وہ مطلعِ انوارِ سحر کیسا لگے گا
اے دل تجھے طیبہ کا نگر کیسا لگے گا
Wo matla-e-anwar-e-sehar kaisa lage ga
Ae dil tujhe tayyaba ka nagar kaisa lage ga
اک نُور سا تا حدِّ نظر کیسا لگے گا
مَیں اور مدینے کا سفر کیسا لگے گا
Ek noor sa ta hadd-e-nazar kaisa lage ga
Main aur Madine ka safar kaisa lage ga
گلیوں میں تری خاک بسر کیسا لگے گا
معراج کی منزل پہ بشر کیسا لگے گا
Galiyon mein teri khaak-basar kaisa lage ga
Ma'raaj ki manzil pe bashar kaisa lage ga
جب حُسنِ عقیدت سے نکھر جائیں گے جذبے
اس وقت مرا رنگِ ہنر کیسا لگے گا
Jab husn-e-aqeedat se nikhar jaayein ge jazbe
Us waqt mera rang-e-hunar kaisa lage ga
جب ہوں گی ترے نام کی لَے سے مترنّم
پھر میری دعاؤں کا اثر کیسا لگے گا
Jab hon gi tere naam ki le se mutranum
Phir meri duaon ka asar kaisa lage ga
جب ہوگی مرے حق میں شہِ دیںؐ کی شفاعت
اس وقت مرا دامنِ تر کیسا لگے گا
Jab ho gi mere haq mein Shah-e-Dinؐ ki shafa'at
Us waqt mera daaman-e-tar kaisa lage ga
خواہش ہے کہ طیبہ میں کبھی جا کے تو دیکھوں
مقصودِ نظر پیشِ نظر کیسا لگے گا
Khwaahish hai ke Tayyaba mein kabhi ja ke to dekhun
Maqsood-e-nazar paish-e-nazar kaisa lage ga
شاکر یہ بجا ہے کہ سیہ کار ہوں لیکن
ہو جائے کرم ان کا اگر، کیسا لگے گا
Shakir ye bajaa hai ke siyahkaar hoon lekin
Ho jaaye karam un ka agar, kaisa lage ga
Share This Naat
Share with friends and family
وہ مطلعِ انوارِ سحر کیسا لگے گا
سیّد شاکر القادری چِشتی نِظامی