کیسے رکھتا میں آنکھوں کا نم تھام کر
خوب رویا ستونِ حرم تھام کر
Kaise rakhta main aankhon ka nam thaam kar
Khoob roya stoon-e-haram thaam kar
آپ حرفِ تسلی عطا کیجئے
در پہ آیا ہوں رنج و الم تھام کر
Aap harf-e-tasalli ata kijiye
Dar pe aaya hoon ranj o alam thaam kar
مجھ کو گرنے کا ڈر اب تو قطعاً نہیں
مجھ کو رکھتا ہے تیرا کرم تھام کر
Mujh ko girne ka dar ab to qat'an nahi
Mujh ko rakhta hai tera karam thaam kar
بال بیکا ہمارا ہو کیوں حشر میں
ان کا دامن نہ چھوڑیں گے ہم تھام کر
Baal beeka hamara ho kyu hashr mein
Un ka daaman na chorain ge hum thaam kar
حکمِ رحمان سے خلد میں جائیں گے
مدحِ محبوبِ رب کا علم تھام کر
Hukum-e-Rahman se khuld mein jayein ge
Madh-e-mehboob-e-Rab ka alam thaam kar
اہلِ جنت مدینے کی تابانیاں
دیکھتے ہوں گے بابِ اِرم تھام کر
Ahl-e-Jannat Madeene ki tabaniyan
Dekhte honge bab-e-Iram thaam kar
اذنِ مدحت عنایت ہو اشفاقؔ کو
کب سے بیٹھا ہے کاغذ قلم تھام کر
Izn-e-mad'hat inaayat ho Ashfaq ko
Kab se baitha hai kagaz qalam thaam kar
Share This Naat
Share with friends and family
کیسے رکھتا میں آنکھوں کا نم تھام کر
اشفاق احمد غوری