یوں تو ہیں شہر خوب کئی خوب تر کہاں
یعنی نبیؐ کے شہر کے جیسا دِگر کہاں
Yoon to hain shehar khoob kayi khoob tar kahan
Yani Nabi (SAW) ke shehar ke jaisa digar kahan
گردِ سفر نبیؐ کی ملک جب نہ پا سکے
رفعت نبیؐ کی ڈھونڈھ رہا ہے بشر کہاں
Gard-e safar Nabi (SAW) ki milak jab na paa sake
Rafat Nabi (SAW) ki dhoondh raha hai bashar kahan
قربِ خدا ہے منزلِ معراجِ مصطفیٰؐ
سرکار جیسا صاحبِ عظمت دِگر کہاں
Qurb-e Khuda hai manzil-e Mairaj-e Mustafa (SAW)
Sarkar jaisa sahib-e azmat digar kahan
بیگانہ خود سے کیوں نہ فنا فی الرسولؐ ہو
ان کی خبر کے بعد پھر اپنی خبر کہاں
Baigana khud se kyun na fana fi al-Rasool (SAW) ho
Un ki khabar ke baad phir apni khabar kahan
شامل کرو دعا میں وسیلہ رسولؐ کا
بے صدقۂ رسولؐ دعا میں اثر کہاں
Shamil karo dua mein waseela Rasool (SAW) ka
Be sadiqa-e Rasool (SAW) dua mein asar kahan
دیوانۂ نبیؐ کے مراتب کو جان لے
اتنی خرد کی وسعتِ فکر و نظر کہاں
Dewana-e Nabi (SAW) ke martab ko jaan le
Itni khurd ki wusat-e fikr o nazar kahan
دامن نبیؐ کا چھوٹے نہ ہرگز کہ حشر میں
کوئی سوا رسولؐ کے لے گا خبر کہاں
Daman Nabi (SAW) ka chhoote na hargiz keh hashr mein
Koi siwa Rasool (SAW) ke le ga khabar kahan
تذلیل تیری کیوں نہ ہو تقویٰ کے بعد بھی
دل میں ترے ہے الفتِ خیر البشر کہاں
Tazleel teri kyun na ho taqwa ke baad bhi
Dil mein tere hai ulfat-e khair-ul-bashar kahan
صبح و مسا جہاں پہ ملائک دیں حاضری
احسؔن درِ نبیؐ کے سوا ایسا در کہاں
Subh o masa jahan pe malaik dein hazri
Ahsen dar-e Nabi (SAW) ke siwa aisa dar kahan
Share This Naat
Share with friends and family
یوں تو ہیں شہر خوب کئی خوب تر کہاں
احسن اعظمی