وُہ ہادیِ جہاں جسے کہیے جہانِ خیر
نسبت سے اس کی میرا وطن ہے نشانِ خیر
Wo hadi-e-jahan jise kahiye jahan-e-khair
Nisbat se us ki mera watan hai nishan-e-khair
وُہ تابِ جاں ، سحابِ کرم، انتخاب ِ حق
وہ شانِ فقر، آنِ تمّدن ، روانِ خیر
Wo taab-e-jaan, sahab-e-karam, intikhab-e-haq
Wo shaan-e-faqr, aan-e-tamaddun, rawan-e-khair
اس کا پیامِ انس و مواخات ، روحِ دیں
اُس کا نظام ِ عدل و مساوات ، جانِ خیر
Us ka payaam-e-uns o moakhwat, rooh-e-deen
Us ka nizaam-e-adl o masawat, jaan-e-khair
وُہ بارگاہِ ناز سے لوٹا بصد نیاز
لے کر برائے نوعِ بشر ارمغانِ خیر
Wo bargah-e-naaz se luta ba-sad niyaaz
Le kar baraye nou-e-bashar armagan-e-khair
کتنی عظیم بیعتِ رضواں کی شان ہے
فتحِ مبیں کے ساتھ چلا کاروانِ خیر
Kitni azeem baiyat-e-rizwan ki shaan hai
Fatah-e-mubeen ke saath chala karwan-e-khair
آلِ نبیؐ سفینہ بحرِ حیات ہے
اصحاب ہیں نجوم سرِ آسمانِ خیر
Aal-e-Nabi (S.A.W) safeena bahr-e-hayat hai
As'hab hain nujoom sar-e-asman-e-khair
یارب ! جہاں میں دستِ خزاں ہے دراز تر
محفوظ اس کے شر سے رہے گلستانِ خیر
Ya Rab! Jahan mein dast-e-khizan hai daraz tar
Mehfooz us ke shar se rahe gulistan-e-khair
فِتنوں کی تیز دھوپ میں قائم رہیں جو اس
خیر الامم کے سر پہ رہے سائبانِ خیر
Fitnon ki tez dhoop mein qaim rahen jo us
Khair ul umam ke sar pe rahe saiban-e-khair
تائب نگاہِ رحمتِ عالم سے بن گیا
ہر مصرعِ ثنائے نبیؐ ترجمانِ خیر
Taib nigah-e-rahmat-e-aalam se ban gaya
Har misra-e-sana-e-Nabi (S.A.W) tarjuman-e-khair
Share This Naat
Share with friends and family
وُہ ہادیِ جہاں جسے کہیے جہانِ خیر
حفیظ تائب