عصمتِ حسنِ پیمبرؐ سے ضیا ڈھونڈیں گے
’’آپؐ کی سیرتِ اطہر سے ضیا ڈھونڈیں گے‘‘
Ismat-e-husn-e-paighambarؐ se dia dhondain ge
"Appؐ ki seerat-e-athar se dia dhondain ge"
زندگانی کو قرینے سے نبھانے کے لیے
سنتِ والیِ کوثر سے ضیا ڈھونڈیں گے
Zindagani ko qareene se nibhanay ke liye
Sunnat-e-waali-e-kausar se dia dhondain ge
دوستی، زندہ دلی، حسنِ مروّت کے طفیل
ہم سیہ بخت ترے در سے ضیا ڈھونڈیں گے
Dosti, zinda dili, husn-e-murawwat ke tufail
Hum siya bakht tere dar se dia dhondain ge
ڈھونڈنا ہے جو ہمیں حسنِ کمالِ انساں
جملہ اوصاف کے پیکر سے ضیا ڈھونڈیں گے
Dhondna hai jo humein husn-e-kamal-e-insaan
Jumla o'saaf ke paikar se dia dhondain ge
انؐ کے میثاقِ مدینہ کی فراست پہ فدا
لوگ پیغمبرِؐ داور سے ضیا ڈھونڈیں گے
Unؐ ke me'saq-e-Madina ki farasat pe fida
Log paighambarؐ dawar se dia dhondain ge
آپؐ کی چارہ گری، بندہ نوازی سب سے
ہم بھی اخلاقِ پیمبرؐ سے ضیا ڈھونڈیں گے
Appؐ ki charah gari, banda nawazi sab se
Hum bhi ikhlaq-e-paighambarؐ se dia dhondain ge
ذرّے مہتاب ہیں طیبہ کی زمیں کے طاہرؐ
ہم اسی راہِ منوّر سے ضیا ڈھونڈیں گے
Zarray mahtaab hain Taiba ki zameen ke Taahirؐ
Hum isi raah-e-manawwar se dia dhondain ge
Share This Naat
Share with friends and family
عصمتِ حسنِ پیمبرؐ سے ضیا ڈھونڈیں گے
پروفیسر محمد طاہر صدیقی