کہیں پر عُود اور عنبر کہیں پر گُل بچھاتے ہیں
مرے آقا جہاں جائیں ملائک رہ سجاتے ہیں
Kahin par ood aur anbar kahin par gul bichaate hain
Mere aaqa jahan jaen malaaik reh sajaate hain
سنو میلاد کی محفل بپا ہو جس جگہ یارو
وہاں پر جھوم کر ہم نعت خواں نعتیں سناتے ہیں
Suno mila-ad ki mehfil bapa ho jis jagah yaaro
Wahan par jhoom kar hum naat khwan naatein sunaate hain
غریبوں کی کریں امداد ہر میلاد پر مل کر
یہی اُسوہ ہے احمد کا عمل کر کے مناتے ہیں
Ghareebon ki karein imdaad har mila-ad par mil kar
Yehi uswa hai Ahmad ka amal kar ke manate hain
نبی کامل کی اُمّت میں کسی مفلس کی بیٹی کو
رقم دے کر کسی میلاد پر شادی کراتے ہیں
Nabi kaamil ki ummat mein kisi muflis ki beti ko
Raqam de kar kisi mila-ad par shaadi karaate hain
چلو میلاد پر ڈھونڈیں کوئی بیمار ایسا بھی
دوائی ہو نہ جس کے پاس تو اُس کو دلاتے ہیں
Chalo mila-ad par dhondhen koi beemaar aisa bhi
Dawa-ee ho na jis ke paas to us ko dilate hain
جو میرے مصطفیٰ کے امتی ناراض ہیں باہم
چلو میلاد پر ان کو ابھی راضی کراتے ہیں
Jo mere Mustafa ke umti naaraaz hain baaham
Chalo mila-ad par un ko abhi raazi karaate hain
اسی میلاد پر ڈھونڈیں جدا ہوتے ہیں جو بیٹے
انہیں ماں باپ سے ممکن اگر ہو تو ملاتے ہیں
Isi mila-ad par dhondhen juda hote hain jo bete
Unhein maan baap se mumkin agar ho to milaate hain
ہر اک انسان سوتا ہے جو اب کانٹوں کے بستر پر
چلو پھولوں کے بستر دے کے سب کانٹے ہٹاتے ہیں
Har ek insan sota hai jo ab kaanton ke bistar par
Chalo phoolon ke bistar de ke sab kaante hataate hain
ہوا عالم کی رونق سے مجھے محسوس یہ اکثر
مدینے میں مرے آقا و مولا مسکراتے ہیں
Hua aalam ki ro-naq se mujhe mehsoos ye aksar
Madine mein mere aaqa o Moula muskurate hain
نبی کے عاشقو سن لو ذرا قائم کی خواہش بھی
چلو اُن کو ہنساتے ہیں جنہیں سب ہی رلاتے ہیں
Nabi ke aashiqo sun lo zara qaim ki khwaahish bhi
Chalo un ko hansaate hain jinhein sab hi rulaate hain
Share This Naat
Share with friends and family
کہیں پر عُود اور عنبر کہیں پر گُل بچھاتے ہیں
سید حب دار قائم