آج ہیں ہر جگہ عاشِقانِ رسول
محوِ نعت و ثنا عاشِقانِ رسول
Aaj hain har jagah aashiqan-e-rasool
mahv-e-naat o sana aashiqan-e-rasool
جشن، میلاد کا سب رہے ہیں منا
بندگانِ خدا عاشِقانِ رسول
jashn, meelaad ka sab rahe hain mana
bandagan-e-khuda aashiqan-e-rasool
جشنِ میلاد سے عشق ہے پیار ہے
ہیں مناتے سدا عاشِقانِ رسول
jashn-e-meelaad se ishq hai pyaar hai
hain manate sada aashiqan-e-rasool
ماہِ میلاد میں خوب لہرایئے
گھر پہ جھنڈا ہرا عاشِقانِ رسول
maah-e-meelaad mein khoob lehrayiye
ghar pe jhanda hara aashiqan-e-rasool
آمدِ مصطَفٰے مرحبا مرحبا
سب لگاؤ صدا عاشِقانِ رسول
aamad-e-mustafa marhaba marhaba
sab lagao sada aashiqan-e-rasool
سیکھنے سنّتیں، مسجد آؤ چلیں
لائے ہیں قافِلہ عاشِقانِ رسول
seekhne sunnatein, masjid aao chalein
laaye hain qafila aashiqan-e-rasool
یاد رکھنا سبھی چھوڑنا مت کبھی
دامنِ مصطَفٰے عاشِقانِ رسول
yaad rakhna sabhi chhodna mat kabhi
daaman-e-mustafa aashiqan-e-rasool
رحمتِ کبریا تم پہ ہو دائما
ہے ہماری دعا عاشِقانِ رسول
rehmat-e-kibriya tum pe ho daima
hai hamari dua aashiqan-e-rasool
تم پہ فضلِ خدا،رحمتِ مصطَفٰے
ہو بروزِ جزا عاشِقانِ رسول
tum pe fazl-e-khuda, rehmat-e-mustafa
ho baroz-e-jaza aashiqan-e-rasool
کاش! دنیا میں تم دو بَفَضلِ خدا
دیں کا ڈنکا بجا عاشِقانِ رسول
kaash! duniya mein tum do bafazl-e-khuda
deen ka danka baja aashiqan-e-rasool
تم پہ ہو قبر میں ہر جگہ حشر میں
سایۂ مصطَفٰے عاشِقانِ رسول
tum pe ho qabr mein har jagah hashr mein
saaya-e-mustafa aashiqan-e-rasool
بے نمازی رہیں کچھ نہ روزے رکھیں
اُن کو کس نے کہا؟ عاشِقانِ رسول
be namazi rahein kuch na roze rakhein
unko kis ne kaha? aashiqan-e-rasool
عالموں پر ہنسیں ،پَھبتیاں بھی کَسَیں
اُن کو کس نے کہا؟ عاشِقانِ رسول
aalamon par hansein, phabtiyaan bhi kasen
unko kis ne kaha? aashiqan-e-rasool
جو کہ گانے سنیں، فلم بِینی کریں
اُن کو کس نے کہا؟ عاشِقانِ رسول
jo ke gaane sunen, film beeni karein
unko kis ne kaha? aashiqan-e-rasool
بد نگاہی کریں، بد کلامی کریں
اُن کو کس نے کہا؟ عاشِقانِ رسول
bad nigaahi karein, bad kalaami karein
unko kis ne kaha? aashiqan-e-rasool
کھائیں رزقِ حرام، ایسے ہیں بد لگام
اُن کو کس نے کہا؟ عاشِقانِ رسول
khayein rizq-e-haraam, aise hain bad lagaam
unko kis ne kaha? aashiqan-e-rasool
عَہد توڑا کریں ، جھوٹ بولا کریں
اُن کو کس نے کہا؟ عاشِقانِ رسول
ahad toda karein, jhoot bola karein
unko kis ne kaha? aashiqan-e-rasool
جو ستاتے رہیں دل دُکھاتے رہیں
اُن کو کس نے کہا؟ عاشِقانِ رسول
jo sataate rahein dil dukhaate rahein
unko kis ne kaha? aashiqan-e-rasool
چغلیوں تہمتوں، میں جو مشغول ہوں
اُن کو کس نے کہا؟ عاشِقانِ رسول
chughliyon tahmaton, mein jo mashghool hon
unko kis ne kaha? aashiqan-e-rasool
گالیاں جو بکیں عیب دریاں کریں
اُن کو کس نے کہا؟ عاشِقانِ رسول
gaaliyan jo bakein aib daryaan karein
unko kis ne kaha? aashiqan-e-rasool
داڑھیاں جو مُنڈائیں کریں غیبتیں
اُن کو کس نے کہا؟ عاشِقانِ رسول
daadhiyaan jo mundaayen karein gheebatein
unko kis ne kaha? aashiqan-e-rasool
کاش! عطاؔر کا طیبہ میں خاتِمہ
ہو کرو یہ دعا عاشِقانِ رسول
kaash! Attar ka tayyaba mein khaatima
ho karo yeh dua aashiqan-e-rasool
Share This Naat
Share with friends and family
آج ہیں ہر جگہ عاشِقانِ رسول
الیاس عطار قادری