دور ہے اس واسطے مجھ سے بلا و شر کی دھوپ
صحنِ دل میں جلوہ گر ہے یادِ پیغمبر کی دھوپ
Door hai is wastay mujh se balaa o shar ki dhoop
Sehan e dil mein jalwa gar hai yaad e payamber ki dhoop
چھاؤں تو چھاؤں رہی ،آثارِ رحمت دیکھیے
’’کیف زا، فرحت فزا ہے کوچۂِ سرور کی دھوپ‘‘
Chhaaon to chhaaon rahi, aasaar e rehmat dikhiyey
"Kaif za, farhat fa'za hai koocha e Sarwar ki dhoop"
سارا عالَم اِک تجلّی سے ہو سرمہ مثلِ طور
کھول دی جائے ذرا سی گر رخِ انور کی دھوپ
Saara aalam ik tajalli se ho surma misl e Toor
Khol di jaye zara si gar rukh e Anwar ki dhoop
تاکہ روز افزوں ترقّی پر رہے نور و جمال
چاند سورج تاپتے ہیں گنبدِ اخضر کی دھوپ
Taake roz afzoon taraqqi par rahe noor o jamaal
Chaand sooraj taaptay hain gunbad e akhdar ki dhoop
سوزِ عشقِ مہرِ طیبہ سے ہیں جو خالی ،وہ دل
کاش گرمادے مِرے اشعار کے دفتر کی دھوپ
Soz e ishq e mehr e Tayiba se hain jo khaali, wo dil
Kaash garmade merey ashaar ke daftar ki dhoop
رات میں کیا خوب منظر چاندنی کا ہے عیاں
زلف سے چِھن چِھن کے آتی ہے رخِ انور کی دھوپ
Raat mein kya khoob manzar chaandni ka hai ayaan
Zulf se chhin chhin ke aati hai rukh e Anwar ki dhoop
عاشقانِ گیسو و رخسار کو کیا کیا مِلا؟
چشمِ تر باہر کی بارش ، سوزِ دل اندر کی دھوپ
Aashiqaan e gesu o rukhsaar ko kya kya mila?
Chashm e tar baahir ki baarish, soz e dil andar ki dhoop
اے معظم ! ان کے ذرّے کے گدا ہیں مہر و ماہ
صحنِ عالَم میں کھلی ہے ان کے بام و در کی دھوپ
Ae Moazzam! Un ke zarrey ke gada hain mehr o maah
Sehan e aalam mein khuli hai un ke bam o dar ki dhoop
Share This Naat
Share with friends and family
دور ہے اس واسطے مجھ سے بلا و شر کی دھوپ
معظم سدا معظم مدنی