مدّت سے ہوں دریوزہ گرِ کوئے مدینہ
کشکول میں رکھتا ہوں زرِ کوئے مدینہ
Muddat se hun dariwazah gir e koochay Madinah
Kashkol mein rakhta hun zar e koochay Madinah
فردوسِ تخیّل میں سمن زار کی صُورت
آئینہ ہیں دیوار و درِ کوئے مدینہ
Firdous e takhayul mein saman zar ki soorat
Aaina hain deewar o dar e koochay Madinah
ہشیار کہ یہ بارگہِ مصطفوی ہے
اے دل، اے مرے ہم سفرِ کوئے مدینہ
Hoshyar ke yeh bargah e Mustafaavi hai
Ae dil, ae mere humsafar e koochay Madinah
حاضر ہوں لیے کاسۂ جاں دستِ طلب میں
اے ذرۂ خورشید گرِ کوئے مدینہ
Haazir hun liye kasa e jaan dast e talab mein
Ae zarah e khursheed gir e koochay Madinah
اے کارگہِ حسنِ تخیل ہو تری خیر
رکھتی ہے مجھے دربدرِ کوئے مدینہ
Ae kaargah e husn e takhayul ho teri khair
Rakhti hai mujhe darbadar e koochay Madinah
آہستہ قدم زن کہ بہ ہر ذرّہ دلی ہست
ای زائرِ آشفتہ سرِ کوئے مدینہ
Aahista qadam zan ke bah har zarra dili hast
Ae zair e aashuftah sar e koochay Madinah
جاں ناقۂ مستانہ، دلِ گرم، حُدی خواں
اس رنگ میں طے ہو سفرِ کوئے مدینہ
Jaan naqa e mastaanah, dil e garm, hudi khwan
Is rang mein tay ho safar e koochay Madinah
Share This Naat
Share with friends and family
مدّت سے ہوں دریوزہ گرِ کوئے مدینہ
سیّد شاکر القادری چِشتی نِظامی