اوہنا دا عشق سلامت اے مقبول اوہناں دیاں باتاں نیں
کملی والے دی یاد اندر جنہاں دیاں لنگھ دیاں راتاں نیں
Ohna da ishq salamat ae maqbool ohna diyaan baataan ne
Kamli vale di yaad andar jinaan diyaan langh diyaan rataan ne
سرکار دی محفل کیا کہنے جس ویلے آپ دا ذکر چھڑے
پئی گونج درود سلاماں دی ایہہ نور دیاں سوغاتاں نیں
Sarkar di mehfil kiya kehne jis vele aap da zikr chhadhe
Payi goonj durood salaaman di eh noor diyaan sogataan ne
محبوب دی محفل تے رل کے بدلاں نیں آن صلاح کیتی
چلو ہور اگیرے چل وسیئے ایتھے ہنجواں دیاں برساتاں نیں
Mehboob di mehfil te ral ke badlaan ne aan salah keeti
Chalo hor ageere chal vasiey ethe hanjwaan diyaan barsataan ne
زلف و رخسار دا ذکر کرے کہیڑا سرکار دا ذکر کرے
ایتھے بڑیاں بڑیاں لکھاریاں نیں بھَن چھڈیاں قلم دواتاں نیں
Zulf o rukhsaar da zikr kare keira sarkar da zikr kare
Ethe bariyaan bariyaan likhaariyaan ne bhan chadiyaan qalam dhaawatan ne
نہ چھیڑ کسے چُپ کیتے نوں کولوں دی لنگھ جا چُپ کرکے
ایناں دیاں وکھریاں رسماں نیں ایناں دیاں وکھریاں ذاتاں نیں
Na chher kise chup keete nu kolon di langh ja chup karke
Ena diyaan vakhriyaan rasmaan ne ena diyaan vakhriyaan zataan ne
کیہہ پچھنا ایں یار ظہوریؔ نوں دو حرفی گل مکا دیواں
اوہدا تک لینا لکھ عیداں نیں مِل پینا لکھ شبراتاں نیں
Keh puchhna ae yaar Zahooriؔ nu do harfi gal makaa dewaan
Ohda tak lena lakh eidaan ne mil pena lakh shabkraataan ne
Share This Naat
Share with friends and family
اوہنا دا عشق سلامت اے مقبول اوہناں دیاں باتاں نیں
محمد علی ظہوری