لب پہ آقا کی گفتگو آئے
دل میں طیبہ کی آرزو آئے
Lab pe aaqa ki guftugu aaye
Dil mein taiba ki aarzoo aaye
میرے لہجے سے نعت یوں چھلکے
گنبدِ سبز جا کے چُھو آئے
Mere lehje se naat yun chhalke
Gunbad-e-sabz ja ke choo aaye
حسنِ مدحت مجھے ملے ایسا
حُسنِ حسان ہو بہو آئے
Husn-e-madhat mujhe mile aisa
Husn-e-hassan ho bahu aaye
تشنگی کو ملے قرار ایسا
من میں کوثر کی آب جو آئے
Tashnagi ko mile qarar aisa
Mann mein kausar ki aab joo aaye
میں بھی طیبہ کا وہ قمر دیکھوں
جس کے حصے میں کاخ و کو آئے
Mein bhi taiba ka woh qamar dekhun
Jis ke hisse mein kakh wo ko aaye
کاش محشر میں آپ یہ کہہ دیں
نعت میری، سنانے تُو آئے
Kaash mahshar mein aap yeh keh dein
Naat meri, sunane tu aaye
نامِ نامی نبی کا لیتے ہی
میری قسمت میں رنگ و بو آئے
Naam-e-nami nabi ka lete hi
Meri kismat mein rang o boo aaye
تو بھی قائم سلام کر اُس کو
نعت سننے جو با وضو آئے
Tu bhi qaaim salam kar us ko
Naat sunne jo ba wazu aaye
Share This Naat
Share with friends and family
لب پہ آقا کی گفتگو آئے
سید حب دار قائم