بیٹھے کئی کلیم نے پردے دے سامنے
ویکھو کے کون سنبھلے جلوے دے سامنے
Bethay kayee Kaleem nay parda day samnay
Weikho kay kaun sanblay jallway day samnay
لُکدی اے رات شرم تو ں زُلفاں نوں ویکھ کے
آؤندا نئیں آفتاب وی چہرے دے سامنے
Lukndi ay raat sharam toon zulfaan noon wekh kay
Aonda naeen aaftaab vee chehray day samnay
آقا دے دَر تے پہنچ کے لگدا سی اس طرح
کعبہ وی چل کے آگیا کعبے دے سامنے
Aaqa day dar tay pohnch kay lagda si iss tarah
Kaaba wee chal kay aagaya Kaabay day samnay
کجلے دا فَیض لین لئی شاماں نے ڈھے پئیاں
چن بہہ گیا اے خاک تے تلوے دے سامنے
Kajlay da faiz layn laee shaamaan nay dhay paiyaan
Chan beh gaya ay khaak tay talway day samnay
حاکم ہزار گیت نے گائے جہان تے
جچیا نہ کوئی اِک تیرے نغمے دے سامنے
Haakim hazaar geet nay gaaye jahaan tay
Jachiya na koi ik tayray naghmay day samnay
Share This Naat
Share with friends and family
بیٹھے کئی کلیم نے پردے دے سامنے
احمد علی حاکم