خُدا ایک ہے مصطفےٰؐ ایک ہے
نبیؐ اور خُدا کی رضا ایک ہے
Khuda aik hai Mustafa (ﷺ) aik hai
Nabi (ﷺ) aur khuda ki raza aik hai
عدم بھی مُحمدؐ کا عینِ وجود
حطیمِ فنا و بقا ایک ہے
Adam bhi Muhammad (ﷺ) ka ain-e-wujood
Hateem-e-fana o baqa aik hai
چلو عرش و طیبہ کی جانب چلیں
مقامات دو راستہ ایک ہے
Chalo arsh o Taiba ki janib chalen
Maqamat do rasta aik hai
پڑھو تو مُحمدؐ بھی قُرآن ہیں
کہ مفہومِ حرف و ادا ایک ہے
Parho to Muhammad (ﷺ) bhi Qur'an hain
Ke mafhoom-e-harf o ada aik hai
اندھیروں کی ہیں کتنی ہی بولیاں
طلوعِ سحر کی نوا ایک ہے
Andheron ki hain kitni hi boliyan
Tulu-e-seher ki nawa aik hai
ادھر اعتکاف اور ادھر انکشاف
فضائے حِرا و صفا ایک ہے
Idhar aitkaf aur udhar inkashaf
Faza-e-Hira o safa aik hai
مدینہ بھی جنّت ہے میرے لیے
کہ دونوں کی آب و ہَوا ایک ہے
Madina bhi jannat hai mere liye
Ke donon ki aab o hawa aik hai
ضرور اُن کے ہاتھوں میں ہے میری ڈور
مِری اُنگلیوں میں سِرا ایک ہے
Zaroor un ke hathon mein hai meri dor
Meri ungliyon mein sira aik hai
مظفّر مُحمدؐ مُحمدؐ کروں
مِرا فن مِرا مُدّعا ایک ہے
Muzaffar Muhammad (ﷺ) Muhammad (ﷺ) karun
Mera fun mera mud-da aik hai
Share This Naat
Share with friends and family
خُدا ایک ہے مصطفےٰؐ ایک ہے
مظفر وارثی