کبھی درد و سوز بن کر کبھی اشک بن کے آئے
تری مہربانیاں ہوں تو یہ دل قرار پائے
Kabhi dard o soz ban kar kabhi ashk ban ke aae
Teri mehrbaniyaan hon to yeh dil qarar paae
تری یاد رونقِ جاں ترا ذکر روحِ ایماں
یہی نُور تیرگی میں مجھے راستہ دکھائے
Teri yaad ronaq e jaan tera zikr rooh e imaan
Yahi noor tirgi mein mujhe raasta dikhaae
یہی کیف میرے اندر اِسی زُعم پہ ہوں نازاں
میں جھُکا ہوں تیرے در پہ مجھے کون اب جھکائے
Yahi kaif mere andar isi zaum pe hoon nazan
Main jhuka hoon tere dar pe mujhe kaun ab jhukaae
وہی جانِ عالمیں ہی مقصودِ زندگی ہیں
دل میں کسی کی چاہت اب کس طرح سمائے
Wohi jaan e aalamain hi maqsud e zindagi hain
Dil mein kisi ki chahat ab kis tarah samaae
ترے ذکر کی ہے برکت میرا گھر ہوا منوّر
ہو نظر ترے کرم کی تو یہ دل بھی جگمگائے
Tere zikr ki hai barkat mera ghar hua manawwar
Ho nazar tere karam ki to yeh dil bhi jagmagaae
بن تیرے کون آقاؐ ہے بے کسوں کا والی
رحمت سے اپنی کہہ دو دکھ درد سب مٹائے
Bin tere kaun aaqa hai be kason ka wali
Rehmat se apni keh do dukh dard sab mitaae
اِک سائلِ مدینہ میں تڑپ رہا ہوں کب سے
ترے در پہ حاضری کا مژدہ کوئی سنائے
Ik saail e Madina main tadap raha hoon kab se
Tere dar pe haazri ka mujda koi sunaae
مولا شکیلؔ کو بھی سوزو ہنر عطا ہو
نعتِ نبیؐ سے یہ بھی دِل کے دئیے جلائے
Mola Shakeel ko bhi sozo hunar ata ho
Naat e Nabi se yeh bhi dil ke diye jalaae
Share This Naat
Share with friends and family
کبھی درد و سوز بن کر کبھی اشک بن کے آئے
محمد شکیل نقشبندی