نمونہ عمل کا حیاتی ہے اُن کی
سبق سچا سیرت سکھاتی ہے اُن کی
Namoona amal ka hayati hai un ki
Sabaq sacha seerat sikhati hai un ki
چلیں قافلے جب مدینے کی جانب
بہت یاد ہم کو رُلاتی ہے اُن کی
Chalein qafle jab Madine ki janib
Bohat yaad hum ko rulati hai un ki
تسلی درودوں سے ملتی ہے بے حد
اگر یاد ہم کو ستاتی ہے اُن کی
Tasalli duroodon se milti hai be had
Agar yaad hum ko satati hai un ki
ہے یادِ محمّد کا احسان ہم پر
یہ سینوں میں اُلفت بڑھاتی ہے اُن کی
Hai yaad-e-Muhammad ka ehsaan hum par
Yeh seeno mein ulfat barhati hai un ki
لحد ، جس میں کوئی بھی یاور نہ ہوگا
محبّت وہاں کام آتی ہے اُن کی
Lahad, jis mein koi bhi yawar na hoga
Mohabbat wahan kam aati hai un ki
دو عالم کے رب نے کہا ان کو رحمت
سو رحمت بھی کُل کائناتی ہے اُن کی
Do aalam ke Rab ne kaha un ko rehmat
So rehmat bhi kul kainati hai un ki
جہاں تک نہ پہنچا تصور کسی کا
وہاں بے شبہ ذات جاتی ہے اُن کی
Jahan tak na pohancha tasawwur kisi ka
Wahan be shuba zaat jati hai un ki
صحابہ ہمیشہ ہی سرشار رہتے
کہ صُورت دلوں کو لُبھاتی ہے اُن کی
Sahaba hamesha hi sarshar rehte
Ke soorat dilon ko lubhati hai un ki
جگر چھلنی کرتی ہے لمحہ بہ لمحہ
جُدائی جو اندر سے کھاتی ہے اُن کی
Jigar chhalni karti hai lamha ba lamha
Judai jo andar se khati hai un ki
کرو خدمتِ خَلق ، راضی خُدا ہو
حدیثِ مبارک بتاتی ہے اُن کی
Karo khidmat-e-khalq, raazi Khuda ho
Hadees-e-mubarak batati hai un ki
جلیل ان کی سیرت نے جینا سکھایا
نظر سیدھا رستہ دکھاتی ہے اُن کی
Jaleel un ki seerat ne jeena sikhaya
Nazar seedha rasta dikhati hai un ki
Share This Naat
Share with friends and family
نمونہ عمل کا حیاتی ہے اُن کی
حافظ عبدالجلیل