اے شمع رسالت ترے پروانے ہزاروں ہیں
اک میں ہی نہیں تیرے تو دیوانے ہزاروں ہیں
Ae shama-e-risalat tere parwane hazaron hain
Ik main hi nahi tere to deewane hazaron hain
اعجاز ہے یہ ساقی کوثر کی نگاہوں کا
میخوار ہزاروں ہیں مے خانے ہزاروں ہیں
Aijaz hai ye saqi-e-kausar ki nigahon ka
Mehkhwar hazaron hain mekhane hazaron hain
ہو جن میں سدا آنا جانا مرے آقا کا
اس دنیا میں ایسے بھی کاشانے ہزاروں ہیں
Ho jin mein sada aana jana mere aaqa ka
Is duniya mein aise bhi kashane hazaron hain
اس عالم ہستی میں کس کس کا گلہ کیجئے
اپنے بھی ہزاروں ہیں بیگانے ہزاروں ہیں
Is alam-e-hasti mein kis kis ka gila kijiye
Apne bhi hazaron hain begane hazaron hain
میخانہ طیبہ کے مے خواروں سے نسبت ہے
مرے لئے پینے کو مے خانے ہزاروں ہیں
Mehkhana-e-tayba ke mehkhwaron se nisbat hai
Mere liye pene ko mekhane hazaron hain
مجذوب ہوں مجنوں ہوں دیوانہ ہوں پاگل ہوں
دو چار نہیں مرے تو افسانے ہزاروں ہیں
Majzoob hoon majnun hoon deewana hoon pagal hoon
Do chaar nahi mere to afsane hazaron hain
جو نام محمد پر ہر چیز لٹاتے ہیں
ایسے بھی تو دنیا میں دیوانے ہزاروں ہیں
Jo naam-e-Muhammad par har cheez lutate hain
Aise bhi to duniya mein deewane hazaron hain
دل چیز ہے کیا جاناں اک تیرے اشارے پر
دینے کے لئے جان کے نذرانے ہزاروں ہیں
Dil cheez hai kya jaana ik tere ishare par
Dene ke liye jaan ke nazrane hazaron hain
یہ سن کے ہم آئے ہیں نظروں سے پلاتے ہو
ورنہ تو مرے شہر میں مے خانے ہزاروں ہیں
Ye sun ke hum aaye hain nazron se pilate ho
Warna to mere shehar mein mekhane hazaron hain
جو مست رہیں ہر دم عشق شہ بطحا میں
اے یار نیازی وہ مستانے ہزاروں ہیں
Jo mast rahein har dam ishq-e-sheh-e-Bat’ha mein
Ae yaar Niazi wo mastane hazaron hain.
Share This Naat
Share with friends and family
اے شمع رسالت ترے پروانے ہزاروں ہیں
عبدالستار نیازی