نبیؐ کی نعت جہاں تک سنائی دے مجھ کو
تو رنگ و نور کی دنیا دکھائی دے مجھ کو
Nabiؐ ki naat jahan tak sunai de mujh ko
To rang o noor ki duniya dikhai de mujh ko
مرِے نبیؐ! مرِے لفظوں میں نعت ہی اُبھرے
کچھ ایسے رنگ کی نغمہ سرائی دے مجھ کو
Mere Nabiؐ! mere lafzoon mein naat hi ubhray
Kuch aisay rang ki nagh'ma sara'i de mujh ko
گزار دوں میں ترِی یاد میں حیات اپنی
درونِ سینہ کچھ ایسی صفائی دے مجھ کو
Guzar doon main teri yaad mein hayat apni
Dron e seenah kuch aisi safai de mujh ko
تِرے سوا مِرا ہمدرد کون ہے آقا
غم والم کے جہاں سے رہائی دے مجھ کو
Tere siwa mera hamdard kaun hai aaqa
Gham o walm ke jahan se rehai de mujh ko
میں تخت و تاج کی خواہش کوئی نہیں رکھتا
بس اپنے در کی ہی مولاؐ گدائی دے مجھ کو
Main takhat o taaj ki khwahish koi nahi rakhta
Bas apne dar ki hi Molaؐ gaddai de mujh ko
نبیؐ کا نام ہی لے لے کے زندگی گزرے
نبیؐ کا نام ہی فیضیؔ سنائی دے مجھ کو
Nabiؐ ka naam hi le le ke zindagi guzray
Nabiؐ ka naam hi Faiziؔ sunai de mujh ko
Share This Naat
Share with friends and family
نبیؐ کی نعت جہاں تک سنائی دے
اسلم فیضی