زمیں کے ساتوں طبق ساتوں آسماں مہکے
حضور آپ کے آنے سے کل جہاں مہکے
Zameen ke saa'to'n tabaq saa'to'n aasman mahke
Huzoor aap ke aane se kul jahan mahke
بدن سے ٹپکے پسینہ تو لہلہائے چمن
اسی پسینے سے یہ مشک و زعفراں مہکے
Badan se tapke paseena to lehlahae chaman
Isi paseene se ye mushk o za'faraan mahke
گلابِ عشق پیمبر کی دیکھیے نکہت
کہ ایک فرد نہیں سارا خانداں مہکے
Gulab-e-ishq paimbar ki dekhiye nakhat
Ke ek fard nahi saara khandaan mahke
خلیلی باغ کے گل پر نثار ہو جاؤ
کہ جس کی عنبریں خوشبو سے جسم و جاں مہکے
Khaleeli baagh ke gul par nisaar ho jao
Ke jis ki amberi'n khushboo se jism o jaan mahke
نبی کے جسمِ معطّر کے لمسِ اطہر سے
زمین مہکے فلک شمس و کہکشاں مہکے
Nabi ke jism-e-mu'attar ke lams-e-athar se
Zameen mahke falak shams o kahkashaan mahke
نگار خانۂ ہستی میں ان کے آنے سے
یہ غنچہ، گل یہ چمن اور گلستاں مہکے
Nigaar khana-e-hasti mein in ke aane se
Ye ghancha, gul ye chaman aur gulistaan mahke
نبی کی نعت ہمیشہ تو گنگنا احمدؔ
نبی کی نعت سے ہر دم تری زباں مہکے
Nabi ki naat hamesha to gunguna Ahmad
Nabi ki naat se har dam teri zabaan mahke
Share This Naat
Share with friends and family
زمیں کے ساتوں طبق ساتوں آسماں مہکے
مولانا طفیل احمد مصباحی