جذبۂ حسرتِ دیدار جو تڑپاتا ہے
اپنی کوتاہ نگاہی کا خیال آتا ہے
Jazba-e-hasrat-e-deedaar jo tarapata hai
Apni kotah nigahi ka khayal aata hai
جب بھی آجاتا ہے سہواً کبھی جنّت کا خیال
تیرا مسکن ترا در سَامنے آجاتا ہے
Jab bhi ajata hai sahwan kabhi jannat ka khayal
Tera maskan tera dar samne ajata hai
حق نے جس شہر کے ذرّوں کی قَسَم کھائی ہو
واں اُبھرتے ہُوئے خورشید بھی شرماتا ہے
Haq ne jis shehar ke zarro ki kasam khai ho
Waan ubharta huwa khursheed bhi sharmata hai
دیکھ کر وسعتِ دامانِ کَرم حشر کے دن
میرا دامانِ طَلَب آپ ہی شرماتا ہے
Dekh kar wusat-e-daaman-e-karam hashr ke din
Mera daaman-e-talab aap hi sharmata hai
کوئی روتا ہے تو بھر آتی ہیں آنکھیں میری
میں سمجھتا ہُوں مدینہ اِسے یاد آتا ہے
Koi rota hai to bhar aati hain aankhen meri
Main samajhta hoon Madina ise yaad aata hai
نعت کا رنگ جو بدلا تو میں سمجھا اعظؔم
پہلے میں کہتا تھا اب کوئی کہلواتا ہے
Naat ka rang jo badla to main samjha Aazim
Pehle main kehta tha ab koi kehlawata hai
Share This Naat
Share with friends and family
جذبۂ حسرتِ دیدار جو تڑپاتا ہے
محمد اعظم چشتی