سُروُر رہتا ہے کیفِ دوَام رہتا ہے
لَبوں پہ میرے دُرود سَلام رہتا ہے
Suroor rehta hai kaif-e-dawam rehta hai
Labon pe mere durood salaam rehta hai
بری ہیں نارِ جہنم سے وہ خدا کی قسم
وہ جن کو ذِکر مُحمّد سے کام رہتا ہے
Bure hain naar-e-jahannum se woh khuda ki qasam
Woh jin ko zikr-e-Muhammad se kaam rehta hai
جو ایک بار انہیں دیکھ لے مقدّر سے
تمام عمر انہیں کا غُلام رہتا ہے
Jo aik baar unhein dekh le muqaddar se
Tamaam umr unhi ka ghulaam rehta hai
تہمارے در کی گدائی جِسے مُیسّر ہے
اسی کے قبضے میں سارا نِظام رہتا ہے
Tumhare dar ki gaddai jisey muyyassar hai
Isi ke qabze mein saara nizaam rehta hai
نِثار خاکِ مدینہ پہ یہ نجومِ فلک
طوافِ شاہ میں ماہِ تمام رہتا ہے
Nisaar khak-e-Madina pe yeh nujoom-e-falak
Tawaf-e-Shah mein maah-e-tamaam rehta hai
یہ ہے حیاتِ محبت کا ما حصل خالِدؔ
کہ وِردِ نعتِ نبیؐ صبح و شام رہتا ہے
Yeh hai hayaat-e-mohabbat ka maa hasil Khalid
Ke wird-e-naat-e-Nabi ﷺ subah o shaam rehta hai
Share This Naat
Share with friends and family
سُروُر رہتا ہے کیفِ دوَام رہتا ہے
خالد محمود خالد