نہ اتقا نہ عبادت پہ ہے یقیں پختہ
مگر نبی کی شفاعت پہ ہے یقیں پختہ
Na atqa na ibadat pe hai yaqeen pukhta
Magar Nabi ki shafaat pe hai yaqeen pukhta
پکارتا ہوں یہاں سے وہاں وہ سنتے ہیں
مجھے نبی کی سماعت پہ ہے یقیں پختہ
Pukarta hoon yahan se wahan wo suntay hain
Mujhe Nabi ki samaat pe hai yaqeen pukhta
عرب کے سارے کے سارے زبان دانوں کو
مرے نبی کی فصاحت پہ ہے یقیں پختہ
Arab ke saaray ke saaray zabaan danon ko
Mere Nabi ki fasahat pe hai yaqeen pukhta
یہی کمالِ صداقت ہے , دشمنوں کو بھی
مِرے نبی کی صداقت پہ ہے یقیں پختہ
Yahi kamal-e-sadaqat hai, dushmanon ko bhi
Mere Nabi ki sadaqat pe hai yaqeen pukhta
ہمیں بچائےگی محشرکی دھوپ سے بے شک
نبی کی چادرِ رحمت پہ ہے یقیں پختہ
Humein bachayegi mahshar ki dhoop se be shak
Nabi ki chadar-e-rehmat pe hai yaqeen pukhta
کبھی رہے نہ شہِ دیں کسی خسارے میں
نبی کی اعلی تجارت پہ ہے یقیں پختہ
Kabhi rahe na Shah-e-deen kisi khusare mein
Nabi ki aala tijarat pe hai yaqeen pukhta
ضرور ہم کو خدا سے وہ بخشوا لیں گے
شفیعِ روزِ قیامت پہ ہے یقیں پختہ
Zaroor hum ko Khuda se wo bakhshwa lenge
Shafi-e-roz-e-qayamat pe hai yaqeen pukhta
نبی کی زلفِ معطر کا عکس ہے اس میں
مجھے گلاب کی نکہت پہ ہے یقیں پختہ
Nabi ki zulf-e-muattir ka aks hai is mein
Mujhe gulaab ki nakkat pe hai yaqeen pukhta
شفیقؔ ان کے وسیلے سے میں نے مانگی ہے
مجھے دعا کی اِجابت پہ ہے یقیں پختہ
Shafiq un ke waseelay se main ne maangi hai
Mujhe dua ki ijabat pe hai yaqeen pukhta
Share This Naat
Share with friends and family
نہ اتقا نہ عبادت پہ ہے یقیں پختہ
شفیق ؔ رائے پوری