ہیں فلک پر چاند تارے، سرورِ کونین سے
پا رہے ہیں فیض سارے، سرورِ کونین سے
hain falak par chand tare, sarwar-e-konain se
pa rahe hain faiz sare, sarwar-e-konain se
وہ نہ ہوتے تو نہ ملتیں دو جہاں کی نعمتیں
بخت جاگے ہیں ہمارے، سرورِ کونین سے
woh na hote to na miltiin do jahan ki naemtein
bakht jage hain hamare, sarwar-e-konain se
عرش و فرش و لوح و کرسی سب کا ہے ان سے وجود
خُلد کے رنگیں نظارے، سرورِ کونین سے
arsh o farsh o loh o kursi sab ka hai un se wujood
khuld ke rangeen nazare, sarwar-e-konain se
مِل چکے ہیں مِل رہے ہیں اور ملتے جائیں گے
بے سہاروں کو سہارے، سرورِ کونین سے
mil chuke hain mil rahe hain aur milte jayein ge
be saharon ko sahare, sarwar-e-konain se
ہے حقیقت ہم پہ اے آصف مسلسل رات دن
رحمتیں ہیں رب کے پیارے، سرورِ کونین سے
hai haqeeqat hum pe ae asif musalsal raat din
rehmatein hain rab ke pyare, sarwar-e-konain se
Share This Naat
Share with friends and family
ہیں فلک پر چاند تارے، سرورِ کونین سے
محمد آصف قادری