کسی کو خود رفتگی ملی ہے کسی کو خود آگہی ملی ہے
درِ رسولِ خدا سے جس نے جو چیز مانگی وہی ملی ہے
Kisi ko khud raftagi mili hai kisi ko khud aagahi mili hai
Dar-e-Rasool-e-Khuda se jis ne jo cheez maangi wohi mili hai
ہے کس گلِ مشکبو کا چرچا ہے کس حیات آفریں کی آمد
ہواؤں کو خوشبوئیں ملی ہیں فضاؤں کو نغمگی ملی ہے
Hai kis gul-e-mashkboo ka charcha hai kis hayaat afreen ki aamad
Hawaao ko khushbooien mili hain fazaao ko naghmegi mili hai
تمہارے آنے سے دل زدوں کے لبوں پہ بھی مسکراہٹ آئی
پھر آگئیں لوٹ کر بہاریں دلوں کو پھر زندگی ملی ہے
Tumhare aane se dilzado ke labon pe bhi muskurahat aayi
Phir aa gayi lut kar bahaarain dilon ko phir zindagi mili hai
غلامیوں کے مہیب اندھیروں کا تو نے آکر طلسم توڑا
ہزاروں صدیوں کے بعد انسانیت کو آسودگی ملی ہے
Ghulamion ke maheeb andheron ka tu ne aakar tilism toda
Hazarhon sadiyon ke baad insaniyat ko aasudgi mili hai
ملی ہے یوں تو ہر اک پیمبر کو سروری بھی تونگری بھی
مگر دو عالم کی میرے آقا کسے نمائندگی ملی ہے
Mili hai yun toh har ek paimbar ko sarwari bhi taungari bhi
Magar do alam ki mere aaqa kise numaindagi mili hai
ملا سے آگے خلا سے آگے حدودِ ارض و سما سے آگے
نشانِ پائے نبی ملا ہے ضیائے روئے نبی ملی ہے
Mila se aage khala se aage hudood-e-arz o sama se aage
Nishan-e-paye Nabi mila hai ziya-e-rooye Nabi mili hai
میں اس گدائی پہ آسمانوں کی رفعتوں کو نثار کردوں
خدا خدا کر کے آستانِ رسول کی چاکری ملی ہے
Main is gadaai pe aasmanon ki rafaton ko nisaar kar doon
Khuda khuda kar ke astan-e-Rasool ki chakri mili hai
خدا پرستو یہ پارسائی یہ پیشوائی کہاں سے پائی
یہ آبرو کس کے نام کی ہے کہاں سے یہ دلبری ملی ہے
Khuda parasto ye parsai ye peshwai kahan se pai
Ye aabro kis ke naam ki hai kahan se ye dilbari mili hai
ہمیں وہ خیر الامم ہیں اعظم ہمیں وہ ہیں خوش نصیب جن کو
رسول بھی آخری ملا ہے کتاب بھی آخری ملی ہے
Humein woh khair al-umam hain a'zam humein woh hain khush naseeb jin ko
Rasool bhi aakhri mila hai kitaab bhi aakhri mili hai
Share This Naat
Share with friends and family
کسی کو خود رفتگی ملی ہے کسی کو خود آگہی ملی ہے
محمد اعظم چشتی