قطارِ اشک مری ہر اُمنگ بھول گئی
کمال ضبط کا ، پلکوں کا سنگ بھول گئی
Qatar-e-Ashk meri har umang bhool gai
Kamal-e-zabt ka, palkon ka sang bhool gai
زمیں پہ عرصۂ معراج تھا بڑا مشکل
حیات سانس بھی لینے کا ڈھنگ بھول گئی
Zameen pe arsa-e-Mairaj tha bara mushkil
Hayat saans bhi lene ka dhang bhool gai
پیا ہے جب سے سماعت نے انگبینِ ثنا
ہر ایک ساز ہر اک جلترنگ بھول گئی
Piya hai jab se samaat ne angbeen-e-sana
Har aik saaz har aik jaltarang bhool gai
زمیں نے اوڑھ لیا رنگِ گنبدِ خضریٰ
زمین اِس کے سوا سارے رنگ بھول گئی
Zameen ne orh liya rang-e-Gumbad-e-Khazra
Zameen is ke siwa saaray rang bhool gai
نظر نے سوچا تھا مانگے گی اُن سے خلدِ بریں
مدینہ دیکھا، ہوئی ایسی دنگ بھول گئی
Nazar ne socha tha mange gi un se Khuld-e-Bareen
Madina dekha, hui aisi dang bhool gai
گئی ہے تنہا مری روح جانبِ بطحا
وہ میرے جسم کا ہر ایک انگ بھول گئی
Gai hai tanha meri rooh janib-e-Batha
Wo mere jism ka har aik ang bhool gai
پرائی ریت بھی کربل میں اشکبار ہوئی
وفورِ درد سے لمحوں میں جنگ بھول گئی
Parai reet bhi Karbala mein ashkbar hui
Wafoor-e-dard se lamhon mein jang bhool gai
Share This Naat
Share with friends and family
قطارِ اشک مری ہر اُمنگ بھول گئی
اشفاق احمد غوری