غلام اُن کے در کا نمایاں نمایاں
ہے شاہوں سے اچھا نمایاں نمایاں
Ghulam un ke dar ka numaya numaya
Hai shahoon se acha numaya numaya
اِطاعت جو پیارے نبی کی کرے گا
جہاں میں رہے گا نمایاں نمایاں
Itaat jo pyare Nabi ki kare ga
Jahan mein rahe ga numaya numaya
کِتابِ خدا کو محبت سے دیکھو
ہے کِردار اُن کا نمایاں نمایاں
Kitab-e-Khuda ko mohabbat se dekho
Hai kirdar un ka numaya numaya
نہیں کوئی بھی اُن کے جیسا جہاں میں
شہِ دین و دنیا نمایاں نمایاں
Nahi koi bhi un ke jaisa jahan mein
Sheh-e-deen o dunya numaya numaya
گُل سرخ ہے جیسے پھولوں میں اعلیٰ
رُسل میں ہیں آقا نمایاں نمایاں
Gul surkh hai jaise phoolon mein aala
Rusal mein hain aaqa numaya numaya
رِسالت کا اِتمام ہے مصطفیٰ پر
ہے قُرآن کہتا نمایاں نمایاں
Risalat ka itmam hai Mustafa par
Hai Quran kehta numaya numaya
نہیں کوئی ایسی عِمارت زمیں پر
نبی کا ہے روضہ نمایاں نمایاں
Nahi koi aysi imarat zameen par
Nabi ka hai roza numaya numaya
اُسے خُسروی سے ہے بہتر فقیری
جو ہے اُن کا منگتا نمایاں نمایاں
Use khusrovi se hai behtar faqiri
Jo hai un ka mangta numaya numaya
پُکارا اُنہیں جب کبھی رنج و غم میں
کرم اُن کا برسا نمایاں نمایاں
Pukara unhein jab kabhi ranj o gham mein
Karam un ka barsa numaya numaya
اُنہیں کے کرم کی بدولت ہے مرزا
سُخن آج تیرا نمایاں نمایاں
Unhein ke karam ki badolat hai Mirza
Sukhan aaj tera numaya numaya
Share This Naat
Share with friends and family
غلام اُن کے در کا نمایاں نمایاں
مرزا جاوید بیگ عطاری