naat
ٹھہرو ٹھہرو رہ جاؤ یہیں کیوں طیبہ نگر سے دور چلے
ٹھہرو ٹھہرو رہ جاؤ یہیں کیوں طیبہ نگر سے دور چلے
کیا اور کہیں رہ پاؤ گے جو لے کے دل مہجور چلے
Thehro thehro reh jao yehi kyun Taiba nagar se door chale
Kya aur kahin reh pao ge jo le ke dil mehjoor chale
اللہ نے اپنے ولیوں کو قدرت سے نوازا ہے اتنا
اندھا دیکھے، بہرا سن لے، گونگا بولے، معذور چلے
Allah ne apne waliyon ko qudrat se nawaza hai itna
Andha dekhe, behra sun le, goonga bole, mazoor chale
کیوں راز کو راز نہیں رکھا کیوں کھول دیا نادانوں پر
اس جرم کی ہی پاداش میں سوئے دار و رسن منصور چلے
Kyun raaz ko raaz nahi rakha kyun khol diya nadanoon par
Is jurm ki hi paadash mein soye daar o rasan Mansoor chale
معراج کا قصہ قرآں میں کچھ یوں ہی نہیں مذکور ہوا
یہ بات کوئی معمولی نہیں جب نور کی جانب نور چلے
Mairaj ka qissa Quran mein kuch yun hi nahi mazkoor hua
Ye baat koi maamooli nahi jab noor ki janib noor chale
یہ برکاتی میخانہ ہے، یاں قادری جام چھلکتے ہیں
یاں ساقی اچھے ستھرے ہیں ہر رند یہاں مخمور چلے
Ye Barakati maikhana hai, yahan Qadri jam chhalakte hain
Yahan saqi achhe suthre hain har rind yahan makhmoor chale
جب فیض رضا کا حاصل ہو، جب پیر سے نسبت کامل ہو
پھر نظمی کیوں نہ ارادت کے روحانی نشے میں چور چلے
Jab faiz Raza ka hasil ho, jab Peer se nisbat kamil ho
Phir Nazmi kyun na aradat ke roohani nashe mein choor chale
Share This Naat
Share with friends and family
ٹھہرو ٹھہرو رہ جاؤ یہیں کیوں طیبہ نگر سے دور چلے
سید آل رسول حسنین میاں برکاتی نظمی