ہے بڑیاں شاناں والا یار میرا
فدا اوہدے اتوں گھر بار میرا
hai bariyaan shanaan wala yaar mera
fida ohday uton ghar baar mera
میں گاواں ایس لئی ماہی دے ڈھولے
پسند آ جاوے اوہنوں پیار میرا
main gaawan aes lai maahi day dhole
pasand a jaaway ohno pyar mera
میں ایسے آس تے ہن تک ہاں جیوندی
کدی آوے گا او من ٹھار میرا
main aese aas te hun tak haan jeondi
kadi aaway ga o man thaar mera
اوہدے محبوب دا ہاں نام لیوا
مینوں بخشے گا بخشین ہار میرا
ohday mehboob da haan naam lewa
mainu bakshe ga bakhshain haar mera
کیہدے در تے میں جا دیواں صداواں
تیرے بن کوئی نہیں سرکار میرا
kaiday dar te main ja diwaan sadawan
tere bin koi nahi sarkar mera
نیازی غم کراں میں کیوں غماں دا
ہے کملی والا جد غم خوار میرا
niazi gham karaan main kyun ghamaan da
hai kamli wala jad gham khwar mera
Share This Naat
Share with friends and family
ہے بڑیاں شاناں والا یار میرا
عبدالستار نیازی