اللہ نور، نور کا پیکر حضورؐ ہیں
سارے پیمبروں کے پیمبر حضورؐ ہیں
Allah Noor, Noor ka paikar Huzoorﷺ hain
Saare paimbaron ke paimbar Huzoorﷺ hain
اُن کا عدم بھی لمحہء موجود کی طرح
منظر حضورؐ ، پردہء منظر حضورؐ ہیں
Un ka adam bhi lamha-e-mawjood ki tarah
Manzar Huzoorﷺ, parda-e-manzar Huzoorﷺ hain
بنیاد ہے درود ، عمارت ہے زندگی
تن میں ہے سانس، سانس کے اندر حضورؐ ہیں
Bunyaad hai darood, imaarat hai zindagi
Tan mein hai saans, saans ke andar Huzoorﷺ hain
سیراب اُن سے ہوتا رہے گا ہر ایک دور
انسانیت ہے پیاس، سمندر حضورؐ ہیں
Seerab un se hota rahe ga har aik daur
Insaniyat hai pyas, samandar Huzoorﷺ hain
مانگوں خدا سے کیا مجھے سب کچھ تو مل گیا
کیا یہ شرف ہے کم کہ میسّر حضورؐ ہیں
Maangon Khuda se kya mujhe sab kuch to mil gaya
Kya ye sharaf hai kam ke muyassarr Huzoorﷺ hain
ہوتا ہے ختم آپؐ پہ ہر ایک راستہ
دنیا ہے ایک قافلہ، رہبر حضورؐ ہیں
Hota hai khatam aapﷺ pe har aik rasta
Duniya hai aik qafila, rehbar Huzoorﷺ hain
کون و مکانِ عشق ہے میرا وجود بھی
ہر وقت میرے ساتھ مظفر حضورؐ ہیں
Kon o makaan-e-ishq hai mera wajood bhi
Har waqt mere saath Muzaffarr Huzoorﷺ hain
Share This Naat
Share with friends and family
اللہ نور، نور کا پیکر حضورؐ ہیں
مظفر وارثی