حق کے محبو ب کی ہم مَدح و ثنا کرتے ہیں
اپنے اس ٔ آئینہ دِل کی جلا کرتے ہیں
Haq ke mahboob ki hum madh o sana karte hain
Apne is aa'ina dil ki jila karte hain
راہ میں ان کی جو زَر اپنا فدا کرتے ہیں
گویا فردوسِ بریں مول لیا کرتے ہیں
Raah mein un ki jo zar apna fida karte hain
Goya firdaus e bareen mol liya karte hain
جو شب و روز ترا نام جپا کرتے ہیں
تیر کب اُن کی دُعاؤں کے خطا کرتے ہیں
Jo shab o roz tera naam japa karte hain
Teer kab un ki duaaon ke khata karte hain
ہم وہ بندے ہیں کہ دن رات خطا کرتے ہیں
یہ وہ آقا ہیں کہ سب بخش دیا کرتے ہیں
Hum woh bande hain ke din raat khata karte hain
Yeh woh aaqa hain ke sab bakhsh diya karte hain
وہی پاتے ہیں بہت جلد مقاصد دل کے
تیری ہی سمت جو منہ کرکے دعا کرتے ہیں
Wohi paate hain bahut jald maqasid dil ke
Teri hi simt jo munh karke dua karte hain
کردیا اپنے خزانوں کا خدا نے مالک
بے طلب جس کو جو چاہیں وہ عطا کرتے ہی
Kardi apne khazanon ka Khuda ne maalik
Be talab jis ko jo chahen woh ata karte hain
میں تری دَین کے قربان کہ تیرے منگتا
تجھ سے جو چاہتے ہیں مانگ لیا کرتے ہیں
Main teri dain ke qurban ke tere mangta
Tujh se jo chahte hain maang liya karte hain
مرحمت ہو نہ انہیں کس لیے عمر جاوید
جو قضاؤں کو ترے دَر پہ ادا کرتے ہیں
Marhmat ho na unhein kis liye umar javed
Jo qazaaon ko tere dar pe ada karte hain
سننا فریاد غریبوں کی جلانا مردے
آپ کے دَر کے گداؤں کے گدا کرتے ہیں
Sunna fariyad ghareebon ki jalana murde
Aap ke dar ke gadaon ke gada karte hain
خلد دے دینا فقیروں کو غنی کردینا
آپ کے دَر کے گداوں کے گدا کرتے ہیں
Khald de dena fakeeron ko ghani kardeena
Aap ke dar ke gadaon ke gada karte hain
ان کی گردش پہ مہ و مہر فدا ہوتے ہیں
تیرے کوچہ میں جو دن رات پھرا کرتے ہیں
Un ki gardish pe maah o mehr fida hote hain
Tere koocha mein jo din raat phira karte hain
بے زباں طائرِ وَحشی بھی اَلم کی اپنے
تیرے دَربار میں فریاد و بکا کرتے ہیں
Be zuban tair e wahshi bhi alam ki apne
Tere darbaar mein fariyad o boka karte hain
اُنگلیوں سے وہ بہا دیتے ہیں ایسے چشمے
سیکڑوں جس سے کہ سیراب ہوا کرتے ہیں
Ungliyon se woh baha dete hain aise chashme
Sekron jis se ke siraab hua karte hain
جا کے دیکھیں گے کسی روز بہارِ طیبہ
اسی امید پہ عشاق جیا کرتے ہیں
Ja ke dekhen ge kisi roz bahar e tayba
Isi umeed pe ishaq jiya karte hain
ساتھ لے لو ہمیں اے قافلے والو لِلّٰہِ
ہند میں بے سر و سامان پھرا کرتے ہیں
Saath le lo humein ae qafle waalo lillah
Hind mein be sar o saaman phira karte hain
ہم غلاموں کے پڑا کرتی ہے دل میں ٹھنڈک
آپ کے ذِکر سے مردُود جلا کرتے ہیں
Hum ghulamon ke para karti hai dil mein thandak
Aap ke zikr se mardood jala karte hain
ناز قسمت پہ نہ کیوں کر ہو جمیلؔ رضوی
لوگ مَدّاحِ نبی تجھ کو کہا کرتے ہیں
Naaz qismat pe na kyun kar ho Jameel Razvi
Log maddah e Nabi tujh ko kaha karte hain
Share This Naat
Share with friends and family
حق کے محبو ب کی ہم مَدح و ثنا کرتے ہیں
جمیل الرحمن قادری