سجدوں کا اثر اور ہے جلوں کا اثر اور
کعبہ کی سحر اور ہے طیبہ کی سحر اور
Sajdon ka asar aur hai jalon ka asar aur
Kaaba ki sehar aur hai Taiba ki sehar aur
ایک مسلک لبیک ہے ایک جادہء لولاک
مکہ کا سفر اور مدینے کا سفر اور
Ek maslak labbaik hai ek jadah-e-lolak
Makkah ka safar aur madeene ka safar aur
ایک فرضِ عبادت ہے تو ایک فرضِ محبت
یہ راہ گذر اور ہے اور وہ راہ گذر اور
Ek farz-e-ibadat hai to ek farz-e-mohabbat
Yeh raah guzar aur hai aur woh raah guzar aur
اٹھتے رہے جلووں سے حجابات بتدریج
اور شوق کو اصرار کہ بس ایک نظر اور
Uthte rahe jalwon se hijabaat bedarij
aur shauq ko israar ke bas ek nazar aur
اٹھ جائیں وہاں سے تو کہو اور کہا ں جائیں
نہ ایسا کوئی گھر اور نہ ایسا کوئی در اور
Uth jayein wahan se to kaho aur kahan jayein
na aisa koi ghar aur na aisa koi dar aur
احرام ضروری نہیں طیبہ کے سفر میں
ہوتے ہیں رہِ عشق کے آدابِ سفر اور
Ehraam zaroori nahi Taiba ke safar mein
Hote hain reh-e-ishq ke adaab-e-safar aur
تاثیر تو ہوتی ہے دعاؤں میں بھی بے شک
ہوتا ہے مگر کچھ اثرِ دیدہ تر اور
Taasir to hoti hai duaon mein bhi bey shak
Hota hai magar kuch asar-e-deedah tar aur
طیبہ کے مسافر کا کبھی جی نہیں بھرتا
ہوتا ہے فزوں بعدِ سفر شوقِ سفر اور
Taiba ke musafir ka kabhi ji nahi bharta
Hota hai fazoon baad-e-safar shauq-e-safar aur
Share This Naat
Share with friends and family
سجدوں کا اثر اور ہے جلوں کا اثر اور
پروفیسراقبال عظیم