کتنی صدیوں سے چمکتا تھا ہمارا سورج
جبکہ پیدا بھی فلک کا نہ ہوا تھا سورج
Kitni sadiyon se chamakta tha hamara sooraj
Jabke paida bhi falak ka na hua tha sooraj
میراسورج ہے جو اندھوں کو بھی بینا کر دے
باعثِ نقصِ نظر ہے تجھے تکنا سورج!
Mera sooraj hai jo andhon ko bhi beena kar day
Baais-e nuqs-e nazar hai tujhe takna sooraj!
قربتِ خاص کا احوال تو کیا کہیے ، کہ جب
’’نسبتِ شاہ نے ذرّے کو بنایا سورج ‘‘
Qurbat-e khaas ka ahwal to kya kahiye, ke jab
"Nisbat-e Shah ne zarrey ko banaya sooraj"
مدحتِ مہرِ مدینہ کے نظارے دیکھے
بن گیا روزِ قیامت مرا نامہ سورج
Madah-e mehr-e Madina ke nazaray dekhe
Ban gaya roz-e qiyamat mera nama sooraj
مرکبِ ماہِ عرب تھا شبِ اسرا جو براق
ہر قدم پر وہ گیا سُم سے اگاتا سورج
Markab-e mah-e Arab tha shab-e Isra jo buraq
Har qadam par wo gaya sum se ugata sooraj
چہرۂِ ماہ کا اس رات میں ہے عکس عیاں
گیسوئے سرورِ عالم ہے شب آسا سورج
Chehra-e mah ka is raat mein hai aks ayaaan
Gesu-e sarwar-e Alam hai shab aasa sooraj
ذرے اشعارِ غزل کے مِرے آگے کیا ہیں
نعتِ احمد کامِرے حصّے میں آیا سورج
Zarre ash'ar-e ghazal ke mere aage kya hain
Naat-e Ahmad ka mere hissay mein aaya sooraj
رجعتِ شمس کے اعجاز میں حیرت کیا ہے ؟
بَردہ سورج کو بلاتا ہے اِک آقا سورج
Raj'at-e shams ke ayejaz mein hairat kya hai?
Bardah sooraj ko bulaata hai ik aaqa sooraj
دونوں مُلکوں میں نہ کیوں نور ہو عِرفاں کا عیاں
’’ پاک ‘‘ میں داتا ہے تو " ہند " میں خواجہ سورج
Dono mulkon mein na kyun noor ho irfan ka ayaaan
"Pak" mein Data hai to "Hind" mein Khwaja sooraj
اِک کرن تھی" فَتَجَلّٰی " کی وہاں ،اور یہاں
چاند ہے " ثُمّ دَنا " اور " فَتَدَلّٰی " سورج
Ik kiran thi "Fatajal-la" ki wahan, aur yahan
Chaand hai "Thumma Dana" aur "Fatadalla" sooraj
خاتمیّت کا قضیّہ ہے معظمؔ ! معقول
تارے چھپ جاتے ہیں جس وقت ہو نکلا سورج
Khatmiyat ka qadiya hai Muazzam! Ma'qul
Tarey chup jate hain jis waqt ho nikla sooraj
Share This Naat
Share with friends and family
کتنی صدیوں سے چمکتا تھا ہمارا سورج
معظم سدا معظم مدنی