میرے ہونٹوں پہ ترا نام تری نعت رہے
نوکِ خامہ پہ ترے لطف کی برسات رہے
Mere honton pe tera naam teri naat rahe
Nok-e-Khama pe tere lutf ki barsaat rahe
اب کسی اور طرف ہو نہ توجہ میری
میرا موضوعِ سخن صرف تری ذات رہے
Ab kisi aur taraf ho na tawajjo meri
Mera mauzoo-e-sukhan sirf teri zaat rahe
دست بستہ جو درِ شاہِ امم پر گذرے
حاصلِ زیست وہی قیمتی لمحات رہے
Dast basta jo dar-e-shah-e-ummam par guzre
Haasil-e-zeest wahi qeemti lamhaat rahe
حسرتِ دید مچلتی ہے مری پلکوں پر
روز افزوں یہ مرا شوقِ ملاقات رہے
Hasrat-e-deed machalti hai meri palkon par
Roz afzoon ye mera shauq-e-mulaqat rahe
آلِ اطہار کی نسبت ہے مرا سرمایہ
میرے سینے میں سدا اُلفتِ سادات رہے
Aal-e-Atthar ki nisbat hai mera sarmaya
Mere seene mein sada ulfat-e-sadaat rahe
رفعتِ مدحِ محمدﷺ پہ رہا میرا قلم
وقفِ توصیفِ پیمبر مرے رشحات رہے
Raf'at-e-madh-e-Muhammadﷺ pe raha mera qalam
Waqf-e-tauseef-e-paighambar mere rashhaat rahe
گوشۂ دل میں رہے تیری محبت کا گہر
تیرا اشفاقؔ تری یاد میں دن رات رہے
Gosha-e-dil mein rahe teri mohabbat ka gehar
Tera Ashfaq teri yaad mein din raat rahe
Share This Naat
Share with friends and family
میرے ہونٹوں پہ ترا نام تری نعت رہے
اشفاق احمد غوری