نبی کی زیارت جسے ہو گئی ہے
یقیناً وہ دنیا میں ہی جنّتی ہے
Nabi ki ziarat jise ho gayi hai
Yaqeenan woh duniya mein hi jannati hai
کرم کی نظر سرورِ دین و دنیا
تمہاری ہی جانب مری لَو لگی ہے
Karam ki nazar sarwar-e-deen o duniya
Tumhari hi janib meri lo lagi hai
رسالت کا سورج ہوا جب کہ ظاہر
صفِ اشقیا میں عجب کھلبلی ہے
Rasalat ka sooraj hua jab ke zahir
Saf-e-ashqiya mein ajab khalbali hai
اغِثنی رسولِ خدا جو پکارا
یکایک مصیبت ہماری ٹلی ہے
Aghisni Rasool-e-Khuda jo pukara
Yakaayak museebat hamari tali hai
نبی کی غلامی جسے ہاتھ آئی
اسے دوجہاں کی ملی سروری ہے
Nabi ki ghulami jise hath aayi
Usse dojahan ki mili sarwari hai
مدینہ، مدینہ، مدینہ، مدینہ
صدا دل سے ہر دم یہی آرہی ہے
Madina, Madina, Madina, Madina
Sada dil se har dam yahi aarahi hai
مرے نا خدا میری امداد کیجے
کہ بحرِ مصیبت میں کشتی پھنسی ہے
Mere na khuda meri imdad kije
Ke bahr-e-museebat mein kashti phansi hai
رُخِ والضحیٰ سے منوّر ہے عالم
گلوں میں ترے حسن کی تازگی ہے
Rukh-e-wadduha se munawwar hai alam
Gulon mein tere husn ki taazgi hai
ترے قرب کا راز پائے کوئی کیا
کہا جب کہ تو نے مع اللہ لی ہے
Tere qurb ka raaz paye koi kya
Kaha jab ke tu ne ma'Allah li hai
خدا نے بنایا جسے اپنا نائب
ہمارا نبی وہ، ہمارا نبی ہے
Khuda ne banaya jise apna naib
Hamare Nabi woh, hamara Nabi hai
وہ خوش بخت جس کا مدینہ ہے مسکن
اسے گویا دنیا میں جنت ملی ہے
Woh khush bakht jiska Madina hai maskan
Usse goya duniya mein jannat mili hai
منّور ہیں شمس و قمر جو فلک پر
مہِ طیبہ تیری یہ جلوہ گری ہے
Munawwar hain shams o qamar jo falak par
Mah-e-Taybah teri yeh jalwa gari hai
مدینے کی شام و سحر اللہ اللہ
خدا کے کرم کی برستی جھڑی ہے
Madine ki shaam o sahar Allah Allah
Khuda ke karam ki barasti jhadi hai
جو آئی صبا لے کے طیبہ سے خوشبو
یکایک کلی مرے دل کی کھلی ہے
Jo aayi saba le ke Tayyaba se khushbu
Yakaayak kali mere dil ki khuli hai
ابھی حور و غلماں کا رہنے دو قصہ
تصور میں طیبہ کی اس دم گلی ہے
Abhi hoor o ghulman ka rehne do qissa
Tasawwur mein Taybah ki is dam gali hai
سدا ناز کر اپنی قسمت پہ احمدؔ
تجھے نعت گوئی کی دولت ملی ہے
Sada naz kar apni qismat pe Ahmadؔ
Tujhe naat goi ki daulat mili hai
Share This Naat
Share with friends and family
نبی کی زیارت جسے ہو گئی ہے
مولانا طفیل احمد مصباحی