تیرے در سے یا نبی خالی گیا کوئی نہیں
ہیں سخی لاکھوں یہاں پر آپ سا کوئی نہیں
tere dar se ya nabi khali gaya koi nahi
hain sakhi lakhon yahan par aap sa koi nahi
آپکے دامن میں ہیں دونوں جہاں کی نعمتیں
آپ کے لطف و کرم کی انتہا کوئی نہیں
aap ke daman mein hain dono jahan ki naimatain
aap ke lutf o karam ki inteha koi nahi
جب لیا نام محمد مشکلیں حل ہو گئیں
کون کہتا ہے اثر اس نام میں کوئی نہیں
jab liya naam Muhammad mushkilain hal ho gain
kaun kehta hai asar is naam mein koi nahi
ہے یہ وہ دربار دربار محمد عاصیو
اعتراف جرم کر لو تو سزا کوئی نہیں
hai ye wo darbar darbar Muhammad aasio
e'tiraf jurm kar lo to saza koi nahi
وہ تو اب بھی بانٹتے ہیں نعمتیں کونین کی
کیوں یقیں اس بات کا تجھ کو رہا کوئی نہیں
wo to ab bhi bant'tay hain naimatain konain ki
kyun yaqeen is baat ka tujh ko raha koi nahi
جلوه ذات خدا جس نے ہو دیکھا بے حجاب
یا رسول ہاشمی تیرے سوا کوئی نہیں
jalwah zat e khuda jis ne ho dekha be-hijab
ya rasool Hashmi tere siwa koi nahi
عظمت محبوب کا ہے ذرے ذرے میں ظہور
آنکھ والوں کے سوا پر دیکھتا کوئی نہیں
azmat e mehboob ka hai zarre zarre mein zuhoor
aankh walon ke siwa par dekhta koi nahi
آپکے ہوتے ہوئے میں کیوں مصیبت میں رہوں
کیا کہیں گے لوگ کہ مشکل کشا کوئی نہیں؟
aap ke hote huye mein kyun museebat mein rahoon
kya kahenge log ke mushkil kusha koi nahi?
چھوڑ کر گلیاں عجم کی آ مدینے کو چلیں
دور رہ کر ان سے جینے کا مزا کوئی نہیں
chhod kar galiyan ajam ki aa Madinay ko chalen
door reh kar un se jeene ka maza koi nahi
کون پوچھے ہے نیازی درد دل کا ماجرا
جز محمد کے ہمارا آسرا کوئی نہیں
kaun poochhe hai Niazi dard e dil ka maajra
juz Muhammad ke hamara aasra koi nahi
Share This Naat
Share with friends and family
تیرے در سے یا نبی خالی گیا کوئی نہیں
عبدالستار نیازی