وہ نورِ جاں افق آرا ہوا ہے
ہر اک غنچہ ثنا پیرا ہوا ہے
Woh noor-e-jaan afaq aara hua hai
Har ik ghuncha sana peera hua hai
اُتر آیا ہے کیسا موسمِ گل
بہاراں آشنا صحرا ہوا ہے
Utar aaya hai kaisa mausam-e-gul
Baharaan aashna sehra hua hai
منڈیر اپنی ہے روشن جس کے اوپر
دیا اُس نام کا رکھا ہوا ہے
Mundeer apni hai roshan jis ke upar
Diya us naam ka rakha hua hai
محبِ انس و جاں کی ہے محبت
وہ جس سے میرا دل پگھلا ہوا ہے
Mohib-e-ins o jaan ki hai mohabbat
Woh jis se mera dil pighla hua hai
جدا کعبےسے ہوتے ہیں محمدؐ
یہ منظر آنکھ میں ٹھیرا ہوا ہے
Juda Kaabe se hote hain Muhammadﷺ
Yeh manzar aankh mein thhira hua hai
رفیقِ ثور کو پا کر پریشاں
پئے تسکیں کوئی گویا ہوا ہے
Rafiq-e-saur ko paa kar pareshan
Pa-e-taskeen koi goya hua hai
تکے جاتی ہے اس کو امِّ معبد
جو مہتاب اس کے گھر اترا ہوا ہے
Take jaati hai us ko Umm-e-Mabad
Jo mehtaab us ke ghar utra hua hai
ثنیہ سےاُدھر کچھ بچیوں نے
خوشی کا زمزمہ چھیڑا ہوا ہے
Saniyah se udhar kuch bachiyon ne
Khushi ka zamzama chhera hua hai
مدینے میں ہے کس کا خیر مقدم
ہر اک نے بابِ دل کھولا ہوا ہے
Madinay mein hai kis ka khair maqdam
Har ik ne bab-e-dil khola hua hai
مرے سرکارؐ ہی کے دم قدم سے
مزاجِ زندگی بدلا ہوا ہے
Mere Sarkarﷺ hi ke dam qadam se
Mizaaj-e-zindagi badla hua hai
انہی کا خوانِ رحمت ہے جو تائبؔ
افق سے افق تا افق پھیلا ہوا ہے
Inhi ka khwan-e-rehmat hai jo Taibؔ
Afaq se afaq ta afaq phela hua hai
Share This Naat
Share with friends and family
وہ نورِ جاں افق آرا ہوا ہے
حفیظ تائب