غیر ممکن ہے ثنائے مصطفیٰ
خود ہی واصف ہے خدائے مصطفیٰ
Ghair mumkin hai sanae Mustafa
Khud hi wasif hai khudae Mustafa
دِل میں دے یارب وِلائے مصطفیٰ
اور ہو سینہ میں جائے مصطفیٰ
Dil mein de yarab wilae Mustafa
Aur ho seena mein jae Mustafa
تیرے پیارے کا میں دیوانہ بنوں
یہ دُعا ہے اے خدائے مصطفیٰ
Tere pyare ka mein deewana banu
Yeh dua hai ae khudae Mustafa
مصطفیٰ ہیں ساری خلقت کے لیے
ساری خلقت ہے برائے مصطفیٰ
Mustafa hain saari khalqat ke liye
Saari khalqat hai barae Mustafa
ڈھونڈتے ہیں سب رضا اللہ کی
چاہتا ہے حق رضائے مصطفیٰ
Dhundte hain sab raza Allah ki
Chahta hai haq raza e Mustafa
کیا نسیمِ خلد خوش آئے اسے
جس کے سر میں ہے ہوائے مصطفیٰ
Kya naseem e khuld khush aaye use
Jis ke sar mein hai hawaye Mustafa
رِزق کیا ہر چیز کے قاسم ہیں وہ
دَین رب کی ہے عطائے مصطفیٰ
Rizq kya har cheez ke qasim hain woh
Den rab ki hai ataye Mustafa
رہ گئے سدرہ پہ جبریلِ امیں
عرش سے بھی پار جائے مصطفیٰ
Reh gaye sidrah pe Jibreel e ameen
Arsh se bhi paar jae Mustafa
دشتِ طیبہ میں بہارِ خلد ہے
جانِ جنت ہے سرائے مصطفیٰ
Dasht e taiba mein bahar e khuld hai
Jan e jannat hai sarae Mustafa
منتظر ہیں جنتیں اُس کے لیے
وِرد ہے جس کا ثنائے مصطفیٰ
Muntazir hain jannaten us ke liye
Vird hai jis ka sanae Mustafa
میری اُمت میری اُمت بخش دے
ہے یہی ہر دَم دُعائے مصطفیٰ
Meri ummat meri ummat baksh de
Hai yehi har dam dua e Mustafa
روزِ محشر اُن کے بندوں کے لیے
راہبر ہوگی ضیائے مصطفیٰ
Roz e mahshar un ke bandon ke liye
Rahbar hogi zia e Mustafa
حکم حق ہوگا کہ جائے سب سے قبل
خلد میں ہر ہر گدائے مصطفیٰ
Hukm haq hoga ke jae sab se qabl
Khuld mein har har gadae Mustafa
پل سے گزریں ان کے بندے بے خطر
رَبِّ سَلِّم ہے صدائے مصطفیٰ
Pul se guzrein un ke bande be khatar
Rabbi sallim hai sadae Mustafa
یوں پکارے گا مُنادی حشر میں
عاصیوں مژدہ وہ آئے مصطفیٰ
Yun pukare ga munadi hashir mein
Asiyon mujda woh aaye Mustafa
اپنی اُمت کو ُچھڑانے کے لیے
حشر میں تشریف لائے مصطفیٰ
Apni ummat ko chhudane ke liye
Hashir mein tashreef lae Mustafa
جاں کنی کے وقت اَزراہِ کرم
چہرۂ اَنور دِکھائے مصطفیٰ
Jaan kani ke waqt azra e karam
Chehra e anwar dikhaye Mustafa
پوچھتے کیا ہو فرشتو قبر میں
بندئہ حق ہوں گدائے مصطفیٰ
Poochte kya ho farishto qabr mein
Banda e haq hoon gadae Mustafa
قبر و محشر کا یہی ہے اِک جواب
بندۂ حق ہوں گدائے مصطفیٰ
Qabr o mahshar ka yehi hai ik jawab
Banda e haq hoon gadae Mustafa
مہرِ محشر مجھ پہ ہوجائے گا سرد
بندۂ حق ہوں گدائے مصطفیٰ
Mehr e mahshar mujh pe ho jae ga sard
Banda e haq hoon gadae Mustafa
کیوں ڈرائے گی مجھے نارِ جحیم
بندئہ حق ہوں گدائے مصطفیٰ
Kyun draye gi mujhe nar e jaheem
Banda e haq hoon gadae Mustafa
دو قدم میں ہوگی طے راہِ صراط
بندۂ حق ہوں گدائے مصطفیٰ
Do qadam mein hogi tae rah e sirat
Banda e haq hoon gadae Mustafa
زُہد و طاعت کچھ نہیں ہے میرے پاس
بندئہ حق ہوں گدائے مصطفیٰ
Zuhd o taat kuch nahi hai mere paas
Banda e haq hoon gadae Mustafa
روزِ محشر دھوپ میں ہوں گے عدو
ہم گدا زیرِ ِلوائے مصطفیٰ
Roz e mahshar dhoop mein honge adu
Hum gada zair e lawae Mustafa
چاہتا ہوں دل سے احمد کی رضا
مجھ سے راضی ہو رضائے مصطفیٰ
Chahta hoon dil se Ahmed ki raza
Mujh se razi ho raza e Mustafa
ہے تمنائے جمیلِؔ قادری
سر ہو میرا اور پائے مصطفیٰ
Hai tamanae Jamil e Qadri
Sar ho mera aur paae Mustafa
Share This Naat
Share with friends and family
غیر ممکن ہے ثنائے مصطفیٰ
جمیل الرحمن قادری