حمد و نعتِ شہِ زمن کے گلاب
زادِ عقبیٰ ہیں یہ سخن کے گلاب
Hamd o naat-e shae zamin ke gulab
Zad-e uqba hain ye sukhan ke gulab
خارِ طیبہ پہ رشک کرتے ہیں
وادیِ ایمن و عدن کے گلاب
Khaar-e taiba pe rashk karte hain
Wadi-e aeman o adn ke gulab
پڑ گئے جب قدومِ پاکِ نبیؐ
دشت میں کھِل گئے چمن کے گلاب
Par gaye jab qadoom-e pak-e nabi ﷺ
Dasht mein khil gaye chaman ke gulab
گفتگوئے حضورؐ کا کیا کہنا
جھڑ رہے ہیں لب و دہن کے گلاب
Guftagu-e huzoor ﷺ ka kya kehna
Jhar rahe hain lab o dahan ke gulab
وہ پسینے مہکتے آقاؐ کے
ہیں عرق یا مسامِ تن کے گلاب
Woh paseene mehak rahe aaqa ﷺ ke
Hain araq ya masam-e tan ke gulab
شانِ اصحابِ مصطفےٰؐ یہ ہے
ہیں سبھی بے خزاں چمن کے گلاب
Shaan-e ashaab-e Mustafa ﷺ ye hai
Hain sabhi be khizan chaman ke gulab
حیدر و فاطمہ حسین و حسن
یہ ہیں باغِ شہِ زمن کے گلاب
Haider o Fatima Hussain o Hasan
Ye hain bagh-e shae zamin ke gulab
بوئے فیض و عطا بکھیرے ہیں
آج بھی باغِ پنجتن کے گلاب
Bo-e faiz o aata bikhaire hain
Aaj bhi bagh-e panjtan ke gulab
کاش مہکیں بفیضِ نعتِ نبی
یوں ہی احسنؔ کی فکر و فن کے گلاب
Kash mehakain bifaiz-e naat-e nabi
Yun hi Ahsan ki fikr o fun ke gulab
Share This Naat
Share with friends and family
حمد و نعتِ شہِ زمن کے گلاب
احسن اعظمی