مدنی دلاں دے جانی مدنی دلاں دے جانی
سارے جہان اندر کوئی ناں تیرا ثانی
Madani dilan de jani Madani dilan de jani
Saare jahan andar koi naa tera saani
پائے نے شہنشاہا مینوں غماں نے گھیرے
کر کے کرم خدارا دُکھ دور کر دے میرے
Paaye ne shahnshaaha mainu ghaman ne ghere
Kar ke karam khudaara dukh door kar de mere
تیرے بناں سناواں غم دی کہنوں کہانی
مدنی دلاں دے جانی مدنی دلاں دے جانی
Tere banan sanawan gham di kahnu kahani
Madani dilan de jani Madani dilan de jani
دو جگ دا توں نبی ایں دو جگ تے راج تیرا
شالہ رہوے چمک دا لَولاک تاج تیرا
Do jug da tu nabi ain do jug te raaj tera
Shaala rahe chamak da Lawlaak taj tera
در تے بلاؤ مینوں ہووے گی مہربانی
مدنی دلاں دے جانی مدنی دلاں دے جانی
Dar te bulaao mainu hovay gi mehrbani
Madani dilan de jani Madani dilan de jani
ہر پاسے غم دے پہرے ہر سمت نے بلاواں
در چھڈ کے آپ دا میں کس درتے ہور جاواں
Har paase gham de pehre har simat ne bulaawan
Dar chhad ke aap da main kis darte hor jaawan
جد کہ ہے فیض تیرا دو جگ تے جاودانی
مدنی دلاں دے جانی مدنی دلاں دے جانی
Jad ke hai faiez tera do jug te javedani
Madani dilan de jani Madani dilan de jani
دو جگ دے وچ ناں کوئی لجپال تیرے ورگا
جایا کسے وی ماں نے ناں لال تیرے ورگا
Do jug de vich naa koi lajpall tere warga
Jaya kise vi maan ne naa laal tere warga
مالک توں ہر مکاں دا توں نور لامکانی
مدنی دلاں دے جانی مدنی دلاں دے جانی
Malik tu har makan da tu noor la-makani
Madani dilan de jani Madani dilan de jani
دو جگ دا ناخدا ایں بیڑا ترا دے میرا
خالق دی توں ضیاء ایں کر دور دیہہ ہنیرا
Do jug da naakhuda ein beRa tera de mera
Khaliq di tu zia ein kar door deh hanera
منظور آقا کر لَے صائم دی نعت خوانی
مدنی دلاں دے جانی مدنی دلاں دے جانی
Manzoor Aaqa kar le Saaim di naat khwani
Madani dilan de jani Madani dilan de jani
Share This Naat
Share with friends and family
مدنی دلاں دے جانی مدنی دلاں دے جانی
علامہ صائم چشتی