جو سینے کو مدینہ اُن کی یادوں سے بناتے ہیں
وُہی تو زندَگانی کا حقیقی لُطف اٹھاتے ہیں
Jo seene ko Madina un ki yaadon se banate hain
Wahi to zindagani ka haqiqi lutf uthate hain
جو اپنی زندگی میں سنّتیں اُن کی سجاتے ہیں
انہیں پیارا محمد مصطَفٰے اپنا بناتے ہیں
Jo apni zindagi mein sunnatein un ki sajate hain
Unhain pyara Muhammad Mustafa apna banate hain
غمِ سَروَر میں رونے کا قرینہ یاالٰہی دے
مجھے افسوس بے جا غم زمانے کے رُلاتے ہیں
Gham-e-Sarwar mein rone ka qareena ya ilahi de
Mujhe afsos be-ja gham zamane ke rulate hain
جو دیدارِمحمد کی تڑپ رکھتے ہیں سینے میں
نبیِّ پاک ان کو خواب میں جلوہ دکھاتے ہیں
Jo deedar-e-Muhammad ki tarap rakhte hain seene mein
Nabi-e-Pak un ko khwab mein jalwa dikhate hain
زمانہ جس کو ٹھکرادے، ہر اک دُھتکار دے ایسے
نکمّے سے نکمّے کو بھی سینے سے لگاتے ہیں
Zamana jis ko thukrade, har aik dhutkar de aise
Nikam-me se nikam-me ko bhi seene se lagate hain
فدا میں کیوں نہ ہو جاؤں ، نبی کی شانِ رحمت پر
وہ بڑھ کر تھام لیتے ہیں قدم جب لڑکھڑاتے ہیں
Fida main kyun na ho jaoon, Nabi ki shan-e-rehmat par
Wo barh kar thaam lete hain kadam jab ladkharate hain
جب اُن کے سامنے لال آمِنہ کا مسکراتا ہے
غم و آلام کے مارے ہوئے غم بھول جاتے ہیں
Jab un ke samne Laal Amina ka muskurata hai
Gham-o-alam ke mare hue gham bhool jate hain
بِاِذنِ اللہ ساری نعمتوں کے ہیں وُہی قاسم
ہمیں آقا کھلاتے ہیں ہمیں آقا پلاتے ہیں
Ba'izn-e-Allah sari ni'maton ke hain wahi Qasim
Hamein aaqa khilate hain hamein aaqa pilate hain
مدینے کی تمنّا میں جئے جاتے ہیں دیوانے
کہ جانے کب ہمیں آقا مدینے میں بلاتے ہیں
Madine ki tammanna mein jiye jate hain deewane
Ke jane kab hamein aaqa Madine mein bulate hain
حسدکی آگ میں جل بُھن کے شیطاں خاک اڑاتاہے
ترا جشنِ ولادت دھوم سے جب ہم مناتے ہیں
Hasad ki aag mein jal bhun ke shaitan khaak urata hai
Tera jashn-e-wiladat dhoom se jab hum manate hain
خدا و مصطَفٰے ناراض ہوتے ہیں سنو ان سے
جو داڑھی کو مُنڈاتے ہیں یامُٹّھی سے گھٹاتے ہیں
Khuda o Mustafa naraz hote hain suno un se
Jo darhi ko mundate hain ya mutthi se ghatate hain
غلامو، مت ڈرو محشر کی گرمی سے چلے آؤ
وہ کوثر کے پیالے بھر کے پیاسوں کو پلاتے ہیں
Ghulamo, mat daro mahasher ki garmi se chale aao
Wo Kauser ke pyaale bhar ke pyaason ko pilate hain
نظارے ان کے آگے ہیچ ہوتے ہیں گلستاں کے
جو صَحرائے مدینہ کے مناظر دیکھ آتے ہیں
Nazaare un ke aage heech hote hain gulistaan ke
Jo sahra-e-Madina ke manazir dekh aate hain
نہیں ہیں نیکیاں پلّے مگر گھبرا نہ اے عطّارؔ
خطاکاروں کو بھی وہ اپنے سینے سے لگاتے ہیں
Nahin hain nekiyan palle magar ghabra na aye Attar
Khatakaaron ko bhi wo apne seene se lagate hain
Share This Naat
Share with friends and family
جو سینے کو مدینہ اُن کی یادوں سے بناتے ہیں
الیاس عطار قادری