رُخِ پر نور پر زیرِ جبیں سرکار کی آنکھیں
دو عالم میں حسیں تر ہیں شہِ ابرار کی آنکھیں
Rukh-e par noor par zeir-e jabeen sarkar ki aankhen
Do alam mein haseen tar hain shah-e abrar ki aankhen
شبِ ہجرت گئے آقاؐ عدو کے درمیاں سے اور
نبیؐ کی راہ تکتی رہ گئیں کفار کی آنکھیں
Shab-e hijrat gaye aaqa adu ke darmiyan se aur
Nabi ki raah takti reh gayi kufar ki aankhen
منافق کو درِ آقاؐ کی عظمت کیا نظر آئے
عقیدت کی نظر رکھتی نہیں اغیار کی آنکھیں
Munafiq ko dar-e aaqa ki azmat kya nazar aaye
Aqeedat ki nazar rakhti nahi aghyar ki aankhen
رُخِ سرور ہے مثلِ آئینہ پھر دیکھتیں کیسے
نبیؐ کے حسن کو بوجہل سے عیار کی آنکھیں
Rukh-e sarwar hai misal-e aina phir dekhti kaise
Nabi ke husn ko baujahal se aayar ki aankhen
بہارِ موسمِ رحمت لیے آقاؐ ہیں جلوہ گر
ہوائیں چومتی ہیں احمدِ مختار کی آنکھیں
Bahaar-e mausam-e rehmat liye aaqa hain jalwa gar
Hawaen choomti hain Ahmad-e mukhtar ki aankhen
نگاہِ حق شناسی سے لقب صدیق کا پایا
نرالی شان کی حامل تھیں یارِ غار کی آنکھیں
Nigaah-e haq shanasi se laqab Siddique ka paaya
Nirali shaan ki haamil thin yaar-e ghaar ki aankhen
مدینے سے دیارِ شام تک جو دیکھ سکتی ہیں
وہ ہیں فاروق جیسے قافلہ سالار کی آنکھیں
Madinay se diyaar-e shaam tak jo dekh sakti hain
Woh hain Farooq jaise qafila salar ki aankhen
سخاوت کی صفت پنہاں اگر تھی دستِ عثماں میں
حیا پیکر تھیں دامادِ شہِ ابرار کی آنکھیں
Sakhawat ki sift pinhan agar thi dast-e Usmaan mein
Haya paikar thin damad-e shah-e abrar ki aankhen
تجلیِ نظر سے خاک کر دیتی تھیں پل بھر میں
دلِ اعدائے دیں کو حیدرِ کرّار کی آنکھیں
Tajalli-e nazar se khaak kar deti thin pal bhar mein
Dil-e aadae deen ko Haider-e karrar ki aankhen
سرِ شبیر تھا محوِ تلاوت نوکِ نیزہ پر
یہ منظر دیکھ کر حیران تھیں اشرار کی آنکھیں
Sar-e Shabbir tha mehve talawat nok-e neza par
Yeh manzar dekh kar hairan thin ashraar ki aankhen
دکھا دے چشمِ احسؔن کو خدایا منظرِ طیبہ
ہیں کب سے منتظر دیدِ درِ سرکار کی آنکھیں
Dikha de chashm-e Ehsan ko Khudaya manzar-e Taiba
Hain kab se muntazir deed-e dar-e sarkar ki aankhen
Share This Naat
Share with friends and family
رُخِ پر نور پر زیرِ جبیں سرکار کی آنکھیں
احسن اعظمی