دل میں ہے تڑپ اور ان آنکھوں میں نمی ہے
عشقِ شہِ والا میں بہت پھر بھی کمی ہے
Dil mein hai tarap aur in aankhon mein nami hai
Ishq-e-Shahe Wala mein bohat phir bhi kami hai
اس کے سوا کچھ بات نہیں بات یہی ہے
سر چشمۂ ایمان و یقیں عشقِ نبی ہے
Is ke siwa kuch baat nahi baat yehi hai
Sar chashma-e-imaan o yaqin ishq-e-Nabi hai
گلزارِ مدینہ کی ہواؤں کے میں صدقے
خوشبو سے فضائے دلِ مہجور بسی ہے
Gulzar-e-Madina ki hawaon ke mein sadqe
Khushbu se faza-e-dil-e-mahjoor basi hai
بستی مِرے دل کی بھی بسادیجئے آقا
اُجڑی جو پڑی ہے تو یہ اُجڑی ہی پڑی ہے
Basti mere dil ki bhi basa dijiye aaqa
Ujri jo pari hai to ye ujri hi pari hai
صدقے میں انہی کے ہمیں جنت بھی ملے گی
دنیا بھی ہمیں ان کی بدولت ہی ملی ہے
Sadqe mein inhi ke humein jannat bhi milegi
Duniya bhi humein un ki badolat hi mili hai
اُس پر ہی کُھلا کرتے ہیں اسرارِ محبت
جس نے بھی مئے حُبّ نبی شوق سے پی ہے
Us par hi khula karte hain asrar-e-mohabbat
Jis ne bhi mai-e-hubb-e-Nabi shauq se pi hai
مرکز بھی محبت کا ہے یہ خلدِ نظر بھی
یہ منزلِ مقصود ہے آقا کی گلی ہے
Markaz bhi mohabbat ka hai ye khald-e-nazar bhi
Ye manzil-e-maqsood hai aqa ki gali hai
بٹتی ہے شب و روزیہاں خیر کی خیرات
خالی نہیں جاتا کوئی دربار سخی ہے
Batti hai shab o roz yahan khair ki khairat
Khaali nahi jata koi darbaar sakhi hai
تربت میں نکیرین شفیقؔ آ کے کہیں گے
سونے دو اسے یہ تو ثنا خوانِ نبی ہے
Turbit mein Nakeerain Shafiq a ke kahenge
Sone do ise ye to sana khuwan-e-Nabi hai
Share This Naat
Share with friends and family
دل میں ہے تڑپ اور ان آنکھوں میں نمی ہے
شفیق ؔ رائے پوری