جو مدینے کے تصوُّر میں جِیا کرتے ہیں
ہر جگہ لطف مدینے کا لیا کرتے ہیں
Jo Madine ke tasawwur mein jiya karte hain
Har jagah lutf Madine ka liya karte hain
عشقِ سرور میں جو ہستی کو فنا کرتے ہیں
بھید الفت کے فَقَط اُن پہ کُھلا کرتے ہیں
Ishq-e-Sarwar mein jo hasti ko fana karte hain
Bhed ulfat ke faqṭ un pe khula karte hain
مال ودولت کی دعا ہم نہ خدا کرتے ہیں
ہم تو مرنے کی مدینے میں دعا کرتے ہیں
Maal-o-daulat ki dua hum na Khuda karte hain
Hum to marne ki Madine mein dua karte hain
آگ دوزخ کی جلا ہی نہیں سکتی ان کو
عشق کی آگ میں دل جن کے جَلا کرتے ہیں
Aag dozakh ki jala hi nahin sakti un ko
Ishq ki aag mein dil jin ke jhala karte hain
دُرِّ نایاب بِلاشک ہیں وہ ہیرے انمول
اشک آقاکی جو یادوں میں بہا کرتے ہیں
Dur e nayab bila shak hain wo heere anmol
Ashk Aaqa ki jo yaadon mein baha karte hain
درد وآلام میں تسکین انہیں ملتی ہے
نام انکا جو مصیبت میں لیا کرتے ہیں
Dard o aalam mein taskeen unhein milti hai
Naam unka jo museebat mein liya karte hain
تُو سلام اُن سے درِ پاک پہ جاکر کہنا
التجا تجھ سے ہم اے بادِ صبا کرتے ہیں
Tu salaam un se dar e pak pe ja kar kehna
Iltaja tujh se hum ae baad e saba karte hain
کیوں پھریں شوق میں ہم مال کے مارے مارے
ہم تو سر کار کے ٹکڑوں پہ پلا کرتے ہیں
Kyun phirain shauq mein hum maal ke maare maare
Hum to Sarkar ke tukron pe pala karte hain
سنّتوں کی وہ بنے رہتے ہیں ہر دم تصویر
جام جو ان کی محبت کا پِیا کرتے ہیں
Sunnatoun ki wo bane rehte hain har dam tasweer
Jaam jo un ki mohabbat ka piya karte hain
سنّتوں کے اے مبلّغ! ہو مبارَک تجھ کو
تجھ سے سرکار بڑا پیار کیا کرتے ہیں
Sunnatoun ke ae mublagh! Ho mubarak tujh ko
Tujh se Sarkar bara pyar kiya karte hain
آپ کی گلیوں کے کتّوں پہ تصدُّق جاؤں
کہ مدینے کے وہ کوچوں میں پِھرا کرتے ہیں
Aap ki galiyon ke kutto pe tasadduq jaoun
ke Madine ke wo kochon mein phira karte hain
سُن لو! نقصان ہی ہوتا ہے بالآخر ان کو
نفس کے واسِطے غصّہ جو کیا کرتے ہیں
Sun lo! Nuqsan hi hota hai ba aakhir un ko
Nafs ke wastay ghussa jo kiya karte hain
بِالیقیں ایسے مسلمان ہیں بے حد نادان
جو کہ رنگینیِ دنیا پہ مرا کرتے ہیں
Bil yaqeen aise musalman hain be had nadaan
Jo ke rangeeni-e-dunya pe mara karte hain
چاند سورج کا مقدَّر بھی تو دیکھو اکثر
گنبدِ خَضرا کے نظارے کیا کرتے ہیں
Chaand sooraj ka muqaddar bhi to dekho aksar
Gunbad-e-Khazra ke nazare kiya karte hain
جِھلِملاتے ہوئے تاروں کی بھی قسمت ہے خوب
گنبدِ خَضراء کے نظّارے کیا کرتے ہیں
Jhilmlate huye taron ki bhi qismat hai khoob
Gunbad-e-Khazra ke nazare kiya karte hain
مسجدِ نبوی کے پُر نور مَنارے ہر دم
گنبدِ خَضرا کے نظّارے کیا کرتے ہیں
Masjid-e-Nabvi ke pur noor manare har dam
Gunbad-e-Khazra ke nazare kiya karte hain
جھوم کر آتے ہیں بارِش لئے بادَل جب بھی
گنبد ِخَضرا کے نظّارے کیا کرتے ہیں
Jhoom kar aate hain barish liye badal jab bhi
Gunbad-e-Khazra ke nazare kiya karte hain
بامقدَّر ہیں مدینے کے کبوتر بے شک
گنبدِ خَضرا کے نظارے کیا کرتے ہیں
Ba Muqaddar hain Madine ke kabootar be shak
Gunbad-e-Khazra ke nazare kiya karte hain
رشک عطارؔ کو ان ذَرَّوں پر آتا ہے جو
ان کے نَعلَین کے تلووں سے لگا کرتے ہیں
Rashk Attar ko un zarron pe aata hai jo
Un ke naalain ke talwon se laga karte hain
قابلِ رشک ہیں عطارؔ وہ قسمت والے
دَفن جو میٹھے مدینے میں ہوا کرتے ہیں
Qabil-e-Rashk hain Attar wo qismat wale
Dafn jo meethay Madine mein huwa karte hain
Share This Naat
Share with friends and family
جو مدینے کے تصوُّر میں جِیا کرتے ہیں
الیاس عطار قادری