میں بے نیاز ہوں دنیا کے ہر خزانےسے
مِلی ہےبھیک مُحمد کے آستانے سے
Main bey niyaz hoon duniya ke har khazanay se
Mili hai bheek Muhammad ke aastanay se
بہت ہی سونی تھی ، بے کیف تھی خدا کی قسم
سجی ہے محفلِ کونین تیرے آنے سے
Bohat hi sooni thi, be keyf thi Khuda ki qasam
Saji hai mehfil-e-kounain teray aanay se
مِلا ہے منزل قوسین کا نِشاں مجھ کو
تمہارے نقش کفِ پا پہ سر جھکانے سے
Mila hai manzil qousain ka nishaan mujh ko
Tumhare naqsh kaf-e-pa pe sar jhukanay se
پسِ فنا جو ترے در کی خاک ہوجائے
مریض ہجر کی مٹی لگے ٹھِکانے سے
Pas-e-fana jo teray dar ki khaak ho jaye
Mareez-e-hijar ki mitti lage thikanay se
گدائے بے سرو ساماں ہوں آل کا صدقہ
مجھے بھی دیجئے سرکار کچھ خزانے سے
Gadaaye bey sar o saamaan hoon aal ka sadqa
Mujhe bhi dijiye Sarkar kuch khazanay se
گناہ گار ہوں ، نسبت مگر منوّر ہے
سنور گیا ہوں ترے در پہ سر جھکانے سے
Gunahgaar hoon, nisbat magar manawwar hai
Sanwar gaya hoon teray dar pe sar jhukanay se
ہمارے سر پہ ہے دامانِ رحمتِ عالم
نہ مِٹ سکیں گے زمانے ترے مٹانے سے
Hamare sar pe hai daaman-e-Rehmat-e-Alam
Na mit sakein ge zamane teray mitanay se
زہے نصیب بھکاری اُسی کا ہے خالِدؔ
ملی ہے بھیک دو عالم کو جس گھرانے سے
Zahe naseeb bhikhari usi ka hai Khalid
Mili hai bheek do alam ko jis gharanay se
Share This Naat
Share with friends and family
میں بے نیاز ہوں دنیا کے ہر خزانےسے
خالد محمود خالد