ازل کے نُور کو جب اُس میں آشکار کیا
خود اپنی ذات پہ خالق نے افتخار کیا
Azal ke Noor ko jab us me aashkar kiya
Khud apni zaat pe Khaliq ne iftikhar kiya
جبینِ ذرّہ میں سورج سجا دیئے تُو نے
شبِ سِیہ کو تجلّی سے ہمکنار کیا
Jabeen-e-zarra me sooraj saja diye tu ne
Shab-e-seyah ko tajalli se humkenar kiya
تِرے جمال نے بخشا تصوّرات کو نُور
تِرے خیال نے ذہنوں کو اُستوار کیا
Tere jamal ne bakhsha tasawwurāt ko Noor
Tere khayal ne zehno ko ustawar kiya
تِری شبیہ کی تکمیل پر مُصوّر نے
خود اپنے فن کو تِری ذات پہ نثار کیا
Teri shabih ki takmeel par musawwir ne
Khud apne fun ko teri zaat pe nisaar kiya
علیؓ کو فرشِ رسالت دیا شبِ ہجرت
رفیق تھے جو ابو بکرؓ، یارِ غار کیا
Aliؓ ko farsh-e-risalat diya shab-e-hijrat
Rafiq the jo Abu Bakrؓ, yar-e-gar kiya
اُسی سے لیتے ہیں اہلِ جہاں قرار کی بھیک
تمہاری یاد نے جس دل کو بے قرار کیا
Ussi se lete hain ahl-e-jahan karar ki bheek
Tumhari yaad ne jis dil ko beqarar kiya
جو پست تھے وہ بلندی سے ہمکنار ہوئے
غبارِ راہ کو تُو نے فلک وقار کیا
Jo past the woh bulandi se humkenar hue
Ghobar-e-rah ko tu ne falak-waqar kiya
ہے علم خیرِ کثیر اور زر متاعِ قلیل
یہ راز تُو نے زمانے پہ آشکار کیا
Hai ilm khair-e-kaseer aur zar mata-e-qaleel
Ye raaz tu ne zamane pe aashkar kiya
عطا کیا تِرے دیدار نے ثَباتِ قدم
سہارا پایا تو پھر پُل صِراط پار کیا
Ata kiya tere deedaar ne sabat-e-qadam
Sahara paya to phir pul sirat paar kiya
جنونِ عشقِ نبی ؐ کی سند مِلی ہم کو
نصیرؔ! ہم نے گریباں جو تار تار کیا
Junoon-e-ishq-e-Nabiؐ ki sanad mili hum ko
Naseer! hum ne gareban jo taar taar kiya
Share This Naat
Share with friends and family
ازل کے نُور کو جب اُس میں آشکار کیا
سید نصیرالدیں نصیر