مر کزِ عدل و محبّت آپ ہیں
ہر زمانے کی ضرورت آپ ہیں
Murkaz-e-adl o mohabbat aap hain
Har zamane ki zarurat aap hain
بعد از حمد و ثنائے ذو الجلال
لائقِ کُل مدح و مِدحت آپ ہیں
Ba'ad az hamd o sana-e-zul jalal
Laaeq-e-kul madah o madahat aap hain
یہ جہاں قدرت کا ہے اِک آئنہ
آئنے کا حُسن ِ صورت آپ ہیں
Ye jahan qudrat ka hai ik aaina
Aaine ka husn-e-soorat aap hain
وقت کے لب پر قصیدہ آپ کا
حرفِ کُن کا مقصد یّت آپ ہیں
Waqt ke lab par qasida aap ka
Harf-e-kun ka maqsadiyat aap hain
آپ محرابِ ازل میں جلوہ گر
صاحبِ ختمِ نبوّت آپ ہیں
Aap mehrab-e-azal mein jalwa gar
Sahib-e-khatm-e-nubuwwat aap hain
جو چلی تھی حضرت ابراہیم ؑ سے
دینِ حق کی وہ روایت آپ ہیں
Jo chali thi Hazrat Ibrahim (AS) se
Deen-e-haq ki wo rivayat aap hain
آئے دُنیا میں ہزاروں انبیا
لائے جو حتمی شریعت آپ ہیں
Aa'e duniya mein hazaron anbiya
La'e jo hatmi shariat aap hain
سب مظاہر مجلسی ہیں آپ کے
صدرِ ایوانِ حقیقت آپ ہیں
Sab mazahir majlisi hain aap ke
Sadr-e-aiwan-e-haqiqat aap hain
آپ ہیں اللہ کے عینی گواہ
اعتبارِ آدمیّت آپ ہیں
Aap hain Allah ke aini gawah
Aetibar-e-adamiyat aap hain
آپ نے توڑی حدودِ لامکاں
ہم رکابِ ہر مسافت آپ ہیں
Aap ne torri hudood-e-la makaan
Hum rakaab-e-har masafat aap hain
آپ پر نازل ہُوا قرآن ِ پاک
یعنی اُس کی آیت آیت آپ ہیں
Aap par naazil huwa Qur'an-e-pak
Yani us ki ayat ayat aap hain
ہر نبی کی خوبیاں ہیں آپ میں
انتہائے جامعیّت آپ ہیں
Har nabi ki khoobiyan hain aap mein
Intahaye jami'yat aap hain
ہمہ داں ہے اُمیّت بھی آپ کی
وارثِ عقل و فراست آ پ ہیں
Hama dan hai ummiyat bhi aap ki
Waaris-e-aql o farasat aap hain
گمرہی کے عالمی صحراؤں میں
چشمہء رشد و ہدایت آپ ہیں
Gumrahi ke almi sehraon mein
Chashma-e-rushd o hidayat aap hain
ایک پل بھی عمر کا اوجھل نہیں
معتبر تاریخِ سیرت آپ ہیں
Ek pal bhi umr ka ojhal nahi
Mo'tabar tareekh-e-seerat aap hain
پورے دن کی روشنی جیسا وجود
آفتابِ وحی و دعوت آپ ہیں
Poore din ki roshni jaisa wajood
Aftab-e-wahi o dawat aap hain
آپ کا ہر حرف ، حرفِ ایزدی
راست گفتاری کی حُرمت آپ ہیں
Aap ka har harf, harf-e-izadi
Raast guftari ki hurmat aap hain
آپ کا ہر اِک عمل حُسنِ حیات
شاہکارِ کا ملیّت آپ ہیں
Aap ka har ik amal husn-e-hayat
Shahkaar-e-kamaliyat aap hain
آپ پر لوگوں کے باطن منکشف
مصلحِ تخیل و خلوت آپ ہیں
Aap par logon ke batin munkashif
Muslih-e-takhayyul o khalwat aap hain
سایہء عالم یتیمی آپ کی
خازنِ ہر بے بظاعت آپ ہیں
Saaya-e-alam yatimi aap ki
Khaazin-e-har bey ba'zamat aap hain
فخر کے معنی فقیری آپ کی
یعنی دِل والوں کی دولت آپ ہیں
Fakhr ke ma'ni faqiri aap ki
Yani dil walon ki daulat aap hain
آپ کے پَیرو شعور و لاشعور
پیشوائے عِلم و حکمت آپ ہیں
Aap ke pairo shaoor o la shaoor
Paishwa-e-ilm o hikmat aap hain
حق تعالیٰ تک پہنچنے کے لیے
بے وسیلوں کی وساطت آپ ہیں
Haqq Ta'ala tak pohnchnay ke liye
Bey wasilon ki wasatat aap hain
دے حریفِ جاں شہادت آپ کی
والیِ صدق و صداقت آپ ہیں
De harif-e-jaan shahadat aap ki
Waali-e-sidq o sadaqat aap hain
دوستوں کے واسطے کیا ہوں گے آپ
دشمنوں کے حق میں رحمت آپ ہیں
Doston ke wastay kya honge aap
Dushmanon ke haqq mein rehmat aap hain
ظالموں کے سامنے حق بات کی
سارے مظلوموں کی طاقت آپ ہیں
Zalimon ke samnay haqq baat ki
Sare mazlumon ki taqat aap hain
آپ کے قدموں کی مٹّی کی قسّم
آسمانِ استقامت آپ ہیں
Aap ke qadamoun ki mitti ki qasam
Aasman-e-istiqamat aap hain
وقفِ دِیں ہے لمحہ لمحہ آپ کا
پھر بھی مصروفِ سیاست آپ ہیں
Waqf-e-deen hai lamha lamha aap ka
Phir bhi masroof-e-siyasat aap hain
جُود و استغنا ، توکّل ، مسکنت
ساری قدروں کی ضمانت آپ ہیں
Jood o istaghna, tawakkul, maskanat
Saari qadron ki zamaanat aap hain
عزم و استقلال کی ایثار کی
کس قدر روشن علامت آپ ہیں
Azm o istiqlaal ki isaar ki
Kis qadar roshan alamat aap hain
اپ کی تنہائی بھی اِک طائفہ
کتنی کثرت خیز وحدت آپ ہیں
Aap ki tanhai bhi ik taa'ifa
Kitni kasrat khaiz wahdat aap hain
اے خطیبِ منبرِ کوہِ صفا
جانِ تقریر و خطابت آپ ہیں
Ae khateeb-e-minbar-e-koh-e-safa
Jaan-e-taqreer o khitabat aap hain
آرزوؤں کا لقب بے نفسیاں
عجزِ اِنسانی کی رفعت آپ ہیں
Aarzoo'on ka laqab bay nafsiyan
Ajz-e-insani ki rufat aap hain
آپ کی فاقہ کشی پر سنگ دنگ
پَیکرِ صبر و قناعت آپ ہیں
Aap ki faqa kashi par sang dang
Paikar-e-sabr o qana'at aap hain
دِل نہیں توڑا کِسی دُکھ درد کا
سر پرستِ ہجر و ہجرت آپ ہیں
Dil nahi toda kisi dukh dard ka
Sar parast-e-hijr o hijrat aap hain
مجرموں کو سزائے رحم دے
ایسا قانون و عدالت آپ ہیں
Mujrimon ko saza-e-rehm de
Aisa qanun o adalat aap hain
سلطنت آرائی کی تصویر میں
رنگِ مزدوری و محنت آپ ہیں
Saltanat-arai ki tasveer mein
Rang-e-mazdoori o mehnat aap hain
ہر قدم کفّار سے جنگ آزما
ہر نَفَس محوِ عبادت آپ ہیں
Har qadam kuffar se jang azma
Har nafas mahw-e-ibadat aap hain
اہلِ خانہ بھی ہیں اور احباب بھی
غار کی بھی زیب و زینت آپ ہیں
Ahl-e-khana bhi hain aur ahbab bhi
Ghaar ki bhi zaib o zeenat aap hain
چلتے پھرتے اور سوتے جاگتے
مستجابِ ربّ العزّت آپ ہیں
Chalte phirte aur sote jagte
Mustajab-e-Rabb al-Izzat aap hain
جسم ِ اطہر پر چٹائی کے نشاں
اور سُلطانِ ریاست آپ ہیں
Jism-e-athar par chatayi ke nishaan
Aur sultan-e-riyasat aap hain
آپ کا ایک ایک لمحہ دائمی
ایک عالم گِیر قوّت آپ ہیں
Aap ka ek ek lamha daimi
Ek alam geer quwat aap hain
فاتحِ دِل فاتحِ ذہن و ضمیر
عِشق کا دار الحکومت آپ ہیں
Fateh-e-dil fateh-e-zehen o zameer
Ishq ka daar al-hukumet aap hain
جو ہمارے پاس رکھوائی گئی
کبریا کی وہ امانت آپ ہیں
Jo humare paas rakhwayi gayi
Kibriya ki wo amanat aap hain
ڈھونڈتی رہتی ہیں آنکھیں آپ کو
میرا موضوعِ زیارت آپ ہیں
Dhoondti rehti hain aankhen aap ko
Mera mauzu-e-ziarat aap hain
آپ کا مَیں معتقد جاسوس ہُوں
میرے جذبوں کی حرارت آپ ہیں
Aap ka mai m'otakid jasus hun
Mere jazbon ki hararat aap hain
ذہن میرا آپ سے ہٹتا نہیں
میری دُنیا میری جنّت آپ ہیں
Zehn mera aap sey hatt-ta nahi
Meri duniya meri jannat aap hain
مر مِٹوں مَیں آپ کے ناموس پر
میری عزّت میری عظمت آپ ہیں
Mur miton mai aap ke namoos par
Meri izzat meri azmat aap hain
آپ ہی کا آسرا بعدِ فنا
شافعِ روزِ قیامت آپ ہیں
Aap hi ka asra ba'ad-e-fana
Shafi'e roz-e-qayamat aap hain
کیا ڈروں بے وزنیِ اعمال سے
یا مُحمّد ؐ جب سلامت آپ ہیں
Kya daron bey wazni-e-a'amal se
Ya Muhammad (SAW) jab salamat aap hain
Share This Naat
Share with friends and family
مر کزِ عدل و محبّت آپ ہیں
مظفر وارثی