میرے دل میں ترے قدموں کے نشاں ملتے ہیں
ایسے مہتاب اندھیروں کو کہاں ملتے ہیں
Mere dil mein tere qadm'on ke nishan milte hain
Aise mehtaab andheron ko kahaan milte hain
کھیلتے ہیں ترے آنگن میں خدا کے اسرار
جس پہ کھل جائیں اسے دونوں جہاں ملتے ہیں
Kheltay hain tere angan mein Khuda ke asrar
Jis pe khul jaayein usay dono jahan milte hain
جب بھی چپ ہوتا ہوں آجا تا ہے ہونٹوں پہ درود
اکثر اوقات محمدؐ مرے ہاں ملتے ہیں
Jab bhi chup hota hoon aa jata hai honton pe darood
Aksar auqat Mohammad (S.A.W) mere haan milte hain
داغ داغ اپنا بدن لے کے کہاں جاؤں گا
ان کی گلیوں میں تو شیشے کے مکاں ملتے ہیں
Daagh daagh apna badan le ke kahaan jaoon ga
Un ki galiyon mein to sheeshe ke makaan milte hain
ان کے عشاق میں دیوانوں میں درباریوں میں
اہل دل اہل نظر اہل زباں ملتے ہیں
Un ke ashqaak mein deewanon mein darbariyon mein
Ahl-e-dil ahl-e-nazar ahl-e-zabaan milte hain
بند آنکھوں سے انھیں دیکھ لیا کرتا ہوں
خون کی طرح رگ و پے میں رواں ملتے ہیں
Band aankhon se unhein dekh liya karta hoon
Khoon ki tarah rag-o-pe mein rawaan milte hain
جس کے پاس ان کی محبت کے کھرے سکے ہوں
چند سکوں میں اسے کون و مکاں ملتے ہیں
Jis ke paas un ki mohabbat ke kharay sikke hoon
Chand sikon mein usay kon o makan milte hain
روک لیتے ہیں مظفر جو گناہوں سے مجھے
میرے اندر ہی کچھ ایسے نگراں ملتے ہیں
Rok lete hain Muzaffar jo gunaahon se mujhe
Mere andar hi kuch aise nigraann milte hain
Share This Naat
Share with friends and family
میرے دل میں ترے قدموں کے
مظفر وارثی