جو تصّور میں رہا پیشِ نظر بھی ہوگا
کعبہ دیکھوں گا مدینے کا سفر بھی ہوگا
Jo tasawwur mein raha pesh-e-nazar bhi hoga
Kaaba dekhun ga Madine ka safar bhi hoga
آہ جب کی ہے تو پھر اُس میں اثر بھی ہوگا
اُن کی بستی میں کبھی اپنا گزر بھی ہوگا
Aah jab ki hai to phir us mein asar bhi hoga
Un ki basti mein kabhi apna guzar bhi hoga
سبز گُنبد کی ضائیں بھی ہوں جس میں شامل
میری تقدیر میں وہ نُورِ سحر بھی ہوگا
Sabz gumbad ki zain bhi hon jis mein shaamil
Meri taqdeer mein woh noor-e-sehar bhi hoga
مجھ پہ بھی ہوں گے شہنشاہِؐ مدینہ کے کرم
رُخ ہواؤں کا کسی روز اِدھر بھی ہوگا
Mujh pe bhi honge shahenshah-e-Madina ke karam
Rukh hawaon ka kisi roz idhar bhi hoga
شاہِؐ کونین مِرے دل کو ضیا بخشیں گے
اُن کے جلووں سے منّور مِرا گھر بھی ہوگا
Shah-e-konain m'rey dil ko zia bakhshain ge
Un ke jalwon se munawwar mera ghar bhi hoga
اک نظر گُنبدِ خَضریٰ کی جھلک تو دیکھو
مطمئن دل ہی نہیں، ذوقِ نظر بھی ہوگا
Ek nazar gumbad-e-khazra ki jhalak to dekho
Mutma'in dil hi nahin, zouq-e-nazar bhi hoga
داغِ دل ، رُوئے محمدؐ کی ضیاؤں کے طفیل
آج تارا ہے، تو کَل رشکِ قمر بھی ہوگا
Daagh-e-dil, rooye Muhammad ke ziaon ke tufail
Aaj tara hai, to kal rashk-e-qamar bhi hoga
میری آنکھوں میں شیبہِ شہِؐ والا ہے نصیرؔ
اشک جو ہوگا، وہ تابندہ گُہَر بھی ہوگا
Meri aankhon mein shaibah-e-shah-e-wala hai Naseer
Ashk jo hoga, woh tabinda guhar bhi hoga
Share This Naat
Share with friends and family
جو تصّور میں رہا پیشِ نظر بھی ہوگا
سید نصیرالدیں نصیر