قرآن میں جس ذات کا مدّاح خدا ہو
اس ذات کی تعریف کا حق کس سے ادا ہو
Quran mein jis zaat ka maddah khuda ho
Is zaat ki tareef ka haq kis se ada ho
کل حشر میں جب ہر طرف ہنگامہ بپا ہو
اے کاش مرے ہاتھ میں آقا کی ردا ہو
Kal hashr mein jab har taraf hangaama bapa ho
Ae kaash mere haath mein aaqa ki rida ho
جیسے ہی نظر گنبد خضریٰ پہ پڑی تھی
کیسی بھی قسم لے لو جو پھر ہوش رہا ہو
Jaise hi nazar gunbad-e-khazra pe pari thi
Kaisi bhi qasam le lo jo phir hosh raha ho
ان کے درِ اقدس پہ جھکا سر تو خطا کیا
مدہوش جو ہوجائے تو کیا سر کا پتہ ہو
Un ke dar-e-aqdas pe jhuka sar to khata kya
Madhosh jo ho jaaye to kya sar ka pata ho
اس ذات کی برکات کوئی جانے بھلا کیا
جو ذات کہ تخلیقِ دو عالم کی بِنا ہو
Is zaat ki barkaat koi jaane bhala kya
Jo zaat ke takhleeq-e-do aalam ki bina ho
ان کے در نعمت کی روایت یہی دیکھی
خود بھیک دیں اور خود کہیں منگتا کا بھلا ہو
Un ke dar-e-neimat ki riwayat yahi dekhi
Khud bheek den aur khud kahein mangta ka bhala ho
رب نے تجھے قاسم کِیا سب دے کے خزانے
اندازہ ترے فضل کا انسان سے کیا ہو
Rab ne tujhe Qasim kiya sab de ke khazane
Andaaza tere fazl ka insaan se kya ho
کوشش تو بہت کرتے ہیں دنیا کے سخن ور
نعتِ شہِ کونین کا حق کس سے ادا ہو
Koshish to bohot karte hain duniya ke sukhanwar
Naat-e-Shahe Kounain ka haq kis se ada ho
معراج ہے سرکار کی عظمت کی حقیقت
مالک ہیں دو عالم کے زمیں ہو کہ خلا ہو
Me'raj hai Sarkar ki azmat ki haqiqat
Maalik hain do aalam ke zameen ho ke khala ho
نام آپ کا آقا ہو مرے لب پہ ہمیشہ
سینے پہ مرے آپ ہی کا دستِ شفا ہو
Naam aap ka aaqa ho mere lab pe hamesha
Seene pe mere aap hi ka dast-e-shifa ho
عظمت تجھے سجدہ کرے اے بندہء مومن
رشتہ ترا محبوب خدا سے جو جُڑا ہو
Azmat tujhe sajda kare ae bandah-e-momin
Rishta tera Mehboob-e-Khuda se jo jura ho
دنیا کی کسی شے کا طلبگار نہیں ہوں
مجھ کو تو بس اک مژدہ غلامی کا عطا ہو
Duniya ki kisi shay ka talabgar nahi hoon
Mujh ko to bas ek mujda ghulami ka ata ho
پوچھیں جو نکیرین تری قبر میں آکر
نظمی ترے ہونٹوں پہ فقط صلِّ علیٰ ہو
Puchhein jo Nakireen tere qabr mein aakar
Nazmi tere honton pe faqat Salli Ala ho
Share This Naat
Share with friends and family
قرآن میں جس ذات کا مدّاح خدا ہو
سید آل رسول حسنین میاں برکاتی نظمی