ناں تے گھٹ دا سوز جگر دا ناں ای اتھرو سُک جاندے نیں
پر جے غم طیبہ دا مل جائے دُنیا دے غم مُک جاندے نیں
Naa te ghat da sooz jigar da naa'n ay athru sukh jande ne'n
Par je gham Taybah da mil jaaye duniya de gham muk jande ne'n
جان جہان دی سوہنا میرا جد عرشاں تے جاون لگ دا
کاروبار حیاتی والے اوتھے ہی سارے رُک جاندے نیں
Jaan jahan di sohna mera jad arshaan te javan lag da
Karobar hayati wale othe hi saare ruk jande ne'n
پنجتن پاک لئی جو اُتے ویکھن وچ تے اک چادر سی
پر تطہیر اہدی وچ ارباں کھرباں عاصی لُک جاندے نیں
Panjtan pak layi jo ute vekhan vich te ek chadar si
Par tatheer ahdi wich arban kharban aasi luk jande ne'n
جد وی عاشق دی زبان اُتے سوہنے دا ناں آجاندا اے
نال ادب دے مجرا بھر دے دونویں عالم جھک جاندے نیں
Jad vi ashiq di zaban ute sohane da naa'n a janda ae
Naal adab de majra bhar de donoven aalam jhuk jande ne'n
جیہدی تاہنگ چ کھولی رکھاں اکثر اکھیاں دے دروازے
اوہ تشریف لیاوے جس دم آپے بوہے ڈُھک جاندے نیں
Jehdi tahang ch kholi rakhan aksar akhiyan de darwaze
Ouh tashreef laave jis dam aapay bohe dhuk jande ne'n
آقا میرے جد وی صائم وچ خیال دے آجاندے نیں
دل میرے توں درد غماں دے سارے پہرے چُک جاندے نیں
Aaqa mere jad vi saim wich khayal de a jande ne'n
Dil mere toon dard ghaman de saare pehre chuk jande ne'n
Share This Naat
Share with friends and family
ناں تے گھٹ دا سوز جگر دا ناں ای اتھرو سُک جاندے نیں
علامہ صائم چشتی