آپ آئے جل اٹھے ہر سُو ہدایت کے چراغ
آپ ہی سے عبد نے معبود کا پایا سراغ
Aap aaye jal uthay har soo hidayat ke charagh
Aap hi se Abad ne Ma'bud ka paaya suragh
آپ کا اسمِ منوّ ر مصدرِ ہر اسم ہے
پُر ہے فیضِ میم سے ہر ایک ابجد کا ایاغ
Aap ka Ism-e-Manawwar masdar-e-har ism hai
Pur hai faiz-e-Meem se har aik abjad ka ayaagh
آپ ہی رازِ مشیّت حسنِ مطلق کا ظہور
آپ ہی سے دہر میں ہے عشق کا کامل بلاغ
Aap hi raaz-e-Mashiyat husn-e-mutlaq ka zahoor
Aap hi se dahr mein hai ishq ka kamil balaagh
آپ کیا بولے کہ گویا نطق گویا ہو گئے
کیسۂ معنی سجا ہے آپ سے لے کر بلاغ
Aap kya bole ke goya nutq goya ho gaye
Kisah-e-ma'ni saja hai aap se le kar balaagh
نغمۂ بلبل ہو یا کہ شوخئ رنگِ چمن
نقشِ پائے نُور ہی کا عکس سارے باغ راغ
Naghma-e-bulbul ho ya ke shaukh ye rang-e-chaman
Naqsh-e-paye Noor hi ka aks saaray bagh raagh
وار دیتے ہیں جو تیری راہ کے ذرّوں پہ تاج
تیرے دیوانوں کا آقا اپنا دل اپنا دماغ
Waar dete hain jo terii raah ke zarron pe taaBlogh
Tere deewanon ka aaqa apna dil apna dimaagh
آپ کی یادوں سے کھلتا ہے مری نعتوں کا رنگ
آپ سے ہیں لفظ پاتے کیا سہانا اضطباغ
Aap ki yaadon se khilta hai mary na'aton ka rang
Aap se hain lafz paate kya suhana iztibaagh
سوزِ عشقِ مصطفٰی چمکائے گا میری لحد
اشکِ غم سے سینچتا ہوں ہر گھڑی سینے کے داغ
Soz-e-ishq-e-Mustafa chamkaaye gaa meri lahd
Ashk-e-gham se seenchta hoon har ghadi seenay ke daagh
قریۂ دل میں اجالا ہو درودوں سے ظفر
طاقِ جاں میں کاش جلتا ہی رہے نوری چراغ
Qaryah-e-dil mein ujala ho daroodon se Zafar
Taq-e-jaan mein kaash jalta hi rahe noori charagh
Share This Naat
Share with friends and family
آپ آئے جل اٹھے ہر سُو ہدایت کے چراغ
محمد ظفراقبال نوری